Aqiq – Agat – mineral. Xalsedonning bir turi, qatlamli yoki yoʻl-yoʻl boʻladi. Qatlamlarda ranglarning har xil uygʻunlikda kelishiga qarab quyidagi xillari farqlanadi: agat oniksi (oq va qora qatlamlar), karneol oniksi (qizil va oq), sardoniks (qizil-qoʻngʻir va oq), agatlar (zangori-kulrang va oq). Kimyoviy formulasi Si02. Aqiq dan har xil marjonlar, taqinchoklar yasaladi, sanoatda esa hovoncha, hovoncha dastasi, tarozi prizmalari, elektr va suv oʻlchov asboblarining tagligi, koʻnchilik sanoatida dazmollash gʻaltaklari va boshqalarda ishlatiladi[2].
