Arabi ot – salt miniladigan qadimiy ot zoti; xalq seleksiyasi yo‘li bilan Arabiston yarim orolda milodiy 1-ming yillikda chiqarilgan. Turkman, Eron va Misr saxro otlari bilan urchitish na-tijasida takomillasha borgan. U cho‘l sharoitiga yaxshi moslashgan, ochlik va suvsizlikka chidamli, uzoq, masofaga yaxshi yuguradi (poygada 1000 m masofani 1 min. 8,0 sek.da bosib o‘tadi). Arabi ot juda chiroyli, tusi bo‘z, to‘riq, sherozi (kulrang) yoki jigarrang. Bu zotning du-nyodagi ot zotlarini yetishtirishda va takomillashtirishda juda katta ishti-roki bor. Arabi otning qarchig‘ayigacha balandligi 150 sm, ko‘krak qafasining aylanasi 175 sm, to‘pig‘i aylanasi 18,5 – 19,5 sm. Arabi ot Karpat, Kavkaz, O‘rta Osiyodagi tog‘ va tog‘ oldi mintaqalarida mahalliy ot zotlarini yaxshilashda, ot sporti va sirk tomoshalarida foydalaniladi. Arabi otning nasldor ayg‘irlari Stavropol o‘lkasidagi Terek ot zavodida urchitiladi. Arabi ot, shuningdek Hindiston, Misr, Turkiya, Fransiya, Ispaniya, GFR, AQSH, Polsha va boshqa mamlakatlarda boqiladi va ko‘paytiriladi.

AdabiyotlarTahrirlash

  • OʻzME. Birinchi jild. Toshkent, 2000-yil