Ardus (futzal klubi)

	«Ardus»
Toʻliq nomi	Ardus Toshkent Futzal Klubi
Laqabi	Bankirlar
Asos solingan	1998-yil
Stadion	Oʻzbekiston Sport Majmuasi
Rahbari	Jahongir Usmonov
Murabbiyi	Nikolay Odushev
Musobaqasi
2022/2023

Ardus Toshkent Futzal Klubi – Oʻzbekiston poytaxti Toshkent shahrining futzal klubi.

Tarixi

Klub 1998-yilda „Ardus“ savdo majmuasi taʼsischilari tomonidan tashkil etilgan. Ilk yillarida havaskorlar va korxonalar oʻrtasidagi musobaqalarda qatnashib kelgan. 2003-yilda „Ardus“ Toshkent shahri birinchiligida gʻalaba qozondi va ushbu gʻalaba orqali Oʻzbekiston Kubogiga qatnashish huquqini qoʻlga kiritdi. Oʻsha yili Kubok oʻyinlarida qatnashgan „Ardus“, Oʻzbekiston Kubogi yarim-finaligacha yetib bordi. Ushbu muvaffaqiyat „Ardus“ rahbariyatini 2004-yilda „Ardus“ni Professional Futzal Klubiga aylantirishga olib keldi va „Ardus“ Oʻzbekiston Chempionatida ishtirok eta boshladi.

Chempionatdagi ilk debyut mavsumida „Ardus“ Oʻzbekiston Chempionatida Chempionlikka erishdi, shuningdek Oʻzbekiston Kubogi finaligacha yetib bordi. Shundan keyin „Ardus“ 6 karra Oʻzbekiston Chempioni, 4 karra Oʻzbekiston Kubogi sohibi sifatida Oʻzbekistonning eng kuchli futzal klubiga aylandi.

Ichki chempionatdagi yutuqlar „Ardus“ni xalqaro maydonda Oʻzbekiston shaarafini himoya qilish imkoniyatini berdi. Va klub Klublar oʻrtasida Osiyo Chempionatida qatnasha boshladi. Birinchi turnir norasmiy maqomga ega boʻlib, 2006-yilda Eronda boʻlib oʻtdi va oʻsha turnirda „Ardus“ finalgacha yetib borib turnir mezbonlariga imkoniyatni boy berdi. 2012-yilda Klublar oʻrtasidagi Osiyo Chempionati rasman yoʻlga qoʻyilganida „Ardus“ yana finalgacha yetib borib Eronning „Giti Pasand“ klubiga imkoniyatni boy berdi va Osiyo vitse-chempioni nomiga saazovor boʻldi.

2018-yilga kelib, „Ardus“ oʻz faoliyatini tugatdi.

„Ardus“ futzal jamoasi koʻp yillar davomida Oʻzbekiston terma jamoasining asosiy negizini tashkil qilib kelgan. „Roʻzmat Madaminov“, „Turon-C“, „Maksam-CHirchiq“, „Doʻstlik-AIN“, „Nafis“, „Kogon“ va Zarafshonning sobiq „Stroitel“ jamoalari bilan birga Oʻzbekistonda futzalni ommalashishiga munosib ulush qoʻshib kelgan.

Aynan „Ardus“da toʻgʻri yoʻlga qoʻyilgan siyosat negizida keyinchalik „Bunyodkor“, „Lomokotiv“ va AGMK jamoalari oʻz tarkiblarini kuchaytirib keldilar. Bu esa Oʻzbekiston milliy terma jamoasini ilk marotaba Futzal boʻyicha 2016-yilgi jahon chempionatiga chiqishida katta rol oʻynadi.^{[manba kerak]}

Tarkibi

„Ardus Toshkent Proffesional Futzal Klubi“ tarkibi 2014-yilning yanvar oyiga koʻra. Ushbu futzalchilarning koʻpchiligi Oʻzbekiston milliy futzal terma jamoasi aʼzolaridir.

Darvozabonlar
Ruslan Xalilov
Nikolay Kravchenko
Himoyachilar
Shaxzod Boʻriyev
Shuhrat Tojiboyev
Temur Shoymardonov
Aleksandr Yakovlev
Humjumchilar
Jamoliddin Sharipov
Farrux Zokirov
Dilshod Rahmatov
Shavkat Muhiddinov
Zarif Begulov
Farhod Abdumavlonov
Dilshod Irsaliyev
Andrey Shlyoma

Mashhur oʻyinchilari

Azamat Abduraimov
Rustam Umarov
Bahodir Ahmedov
Andrey Shlyoma
Dilshod Irsaliyev

Yutuqlari

Oʻzbekiston Chempionatida

Chempion: 2004/2005, 2005/2006, 2006/2007, 2009/2010, 2010/2011, 2011/2012
Vitse-Chempion: 2008/2009, 2012/2013
Bronza medali sohibi: 2007/2008

Oʻzbekiston Kubogida

Chempion: 2005/2006, 2006/2007, 2008/2009, 2009/2010
Finalchi: 2004/2005, 2007/2008, 2012/2013

Oʻzbekiston Futzali Assotsiatsiyasi Kubogida

Chempion: 2010
Finalchi: 2012, 2013

Klublar oʻrtasida Osiyo Chempionatida

Finalchi: 2006, 2012

Manbalar

Havolalar

Rasmiy sayti (Wayback Machine saytida 2014-02-03 sanasida arxivlangan)