Askar

Askar — 1) davlat va mamlakat muhofazasi yoki harbiy yurishlarda ishtirok etuvchi harbiy xizmatchi, qurolli jangchi; 2) davlatning qurolli kuchlari majmui yoki uning bir qismi; qo‘shin. Arab tilining kuchli taʼsiriga qaramay askar istilohi O‘rta Osiyo turkiy tillarida, xususan, o‘zbek adabiy tilida asosan XV asrdan cherik, sipoh, lashkar istilohlari qatori „qo‘shin, lashkar“ maʼnosida keng qo‘llanishda bo‘lgan. XX asr oxirlaridan askar ko‘proq „jangchi, harbiy xizmatchi“ maʼnosini ifodalash uchun ishlatiladi.