Azkamar
Azkamar – Ziyovuddin togʻlarining janubi-gʻarbiy qismidagi plato. Shimolida Malik choʻli (Qiziltepa platosi), janubida Qarnob choʻli bilan tutashgan. Mutlaq balandligi 300–350 m. A. neogenning oqchagil va ap-sheron yaruslari (kosontov, sadivar svi-talari)ning alevrolit, gil va ular ora-sidagi qumtosh va gravelitlardan (1–3 m) tashkil topgan. A.ning yuzasi quyi toʻrtlamchi davrning allyuvial-prolyu-vial jinslari (Azkamar majmuasi)dan tuzilgan. A.ning shimoliy yon bagʻri qiyaroq, janubiy esa tik, suvayirgʻich qismida egarsi-mon botiq boʻlib, yon bagʻirlarida kuesta-simon shaklda jarliklar hosil boʻlgan. A.ning sharqiy qismi – Ziyovuddin togʻlariga tutashgan joy relefi juda oʻydim-chuqur. A.da shoʻrtob boʻz qoʻngʻir tuproqlar tarqalgan, oqjusan oʻsadi. A. yaylovlarida qorakoʻl qoʻylari boqiladi.
Adabiyotlar
tahrir- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |