Berdo

Berdo — toʻquv stanogi (dastgohi)ning asosiy ish organlaridan biri. Qadimdan gazmollar toʻqishda qoʻllanilgan. B. bir-biriga parallel joylashgan bir necha temir plastinkalardan taroq shaklida yasaladi. B. toʻquv stanogida tanda iplarini toʻqima eniga bir tekis taqsimlaydi, zichlashtiradi, arqoq ipini toʻqima chetiga uradi, mokini yoʻnaltirib turadi. Plastinkalar orasidan tanda iplari oʻtkaziladi. B. toʻquv stanogi bataniga tiqib qoʻyiladi. B. tishlari (plastinkalari) zichligiga (har 1 sm ga 2,5 dan 40 tagacha tish) qarab toʻqilgan gaxaama zichligi ham har xil chiqadi.

Adabiyotlar

• OʻzME. Birinchi jild. Toshkent, 2000-yil