Bismark arxipelagi

Bismark arxipelagi — Tinch okeandagi bir tuda orollar. Papua Yangi Gvineya tarkibida. Ikkita yirik orol (Yangi Britaniya va Yangi Irlandiya), Admiralteystvo slari va bir necha mayda orollardan iborat. Maydoni 50,5 km² ga yaqin. Aholisi 399 ming kishi (1990) — melanez va papuaslar. Yirik orollari togʻli (Yangi Britaniya o.da toglarning balandligi 2300 m gacha yetadi), maydalari vulkan va marjon orollaridir; harakatdagi vulkanlar ham bor (Ulavun). Iqlimi ekvatorial, tropik oʻrmonlar bilan qoplangan. Koks palmasi, banan, shakarkamish, tamaki, paxta, makkajoʻxori yetishtiriladi. Qirgʻoq yaqinida okeandan baliq ovlanadi va marvarid olinadi. Yirik aholi punktlari va portlari: Rabaul, Kaviyeng, Lorengau. Bismark arxipelagi ni 1616-yilda gollandlar kashf etgan; 1884-yildan arxipelag Germaniya mustamlakasi boʻlgach, unga O. Bismark nomi berilgan.

Adabiyotlar

• OʻzME. Birinchi jild. Toshkent, 2000-yil