Boris Konstantinov
Boris Pavlovich Konstantinov [1910.23.6(6.7), Peterburg - 1969.9.7, Leningrad] — rus fizigi, akademik (1960). Asosiy ilmiy ishlari akustika, fizikkimyo, yadro fizikasi, plazmalar fizikasi, astrofizika, golografiya va boshqalarga oid. Birinchi boʻlib tovush mutlaq silliq va qattiq sirtdan qaytganda uning yutilishini aniqlagan, berk binolarda tovush reverberatsiyasining toʻlqin nazariyasini yaratgan; u eritmalarda ionlarning harakatchanligini tekshirib, kimyoviy elementlarning miqdorini va uni sifat jihatdan tahlil qilish usulini ishlab chiqqan; turgʻun izotoplarning fizikkimyoviy xossalarini tadqiq qilgan; plazmaning korpuskulyar diagnostikasini tavsiya etgan, plazmaning optik va mikrotoʻlqin diagnostikasi usulini rivojlantirgan. Konstantinov rahbarligida fotografiya, televizion va fototelevizion golografik sistemalarning parametrlari aniqlandi.[1]
Manbalar tahrir
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |