Abdumoʻmin Boymatov
Abdumoʻmin Boymatov (1931.1.1, Fargʻona) — haykaltarosh, Oʻzbekiston xalq rassomi (1989). Respublika rassomlik bilim yurtini (1959) va Leningrad (hozirgi SanktPeterburg) rassomlik, haykaltaroshlik va meʼmorlik institutini (1965) tugatgan. Toshkent pedagogika instituti (1966—85) va Kamoliddin Behzod nomidagi Milliy rassomlik va dizayn instituti (1978—98)da dare bergan. B. dastgoxli va mahobatli haykaltaroshlikda ijod qiladi, portret ustasi. Ijodiga akademik sanʼatga xos badiiylik, mahorat, shakl pishiqligi va yaxlitligi, ulugʻvorlik ruhi xos. Muhim asarlari: "Qoraqumda" (gips, 1964), "Karnay" (bronza, 1964), "Abu Ali ibn Sino" (yogʻoch, 1967), "Fidoyi" (yogʻochgranit, 1972), "AlXorazmiy" (yogʻoch, 1972), "Al Forobiy" (gips, 1974), "Shahid ketganlar xotirasiga" (bronza, 1977), "Baxmal qizi" (yogʻoch, 1977), "Furqat va Muqimiy" (bronza, 1983), "Umar Xayyom" (gips, 1983), "Alisher Navoiy" (bronza, 1991) va boshqa; "Pop tumani askarlariga" (qizil tuf, 1970) va "Quva tumani askarlariga" (granit, bronza, 1987) va boshqa mahobatli yodgorliklar muallifi.
| Boymatov Abdumoʻmin | |
 | |
| Haqiqiy ismi | Boymatov Abdumoʻmin |
| Tavalludi | 1-yanvar 1931-yil Fargʻona |
| Mashhur suratlari | "Qoraqumda", "Karnay", "Abu Ali ibn Sino" |
| Mukofotlari | Oʻzbekiston xalq rassomi |
Adabiyotlar tahrir
- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |