Boysunsoy
Boysunsoy — Surxondaryo viloyati Boysun tumanidagi soy. Surxondaryonint oʻng irmogʻi. Ketmonchopti togʻining jan.sharqiy yon bagʻridagi buloqlar (2500 m)dan boshlanadi. Yuqori oqimi dastlab Qoʻrgʻondarasoy, Avlodsoy, soʻng Hangaronsoy, quyi oqimi Taqirsoy va Taqirkoʻlsoy deb ataladi. Jaloir temir yoʻl st-yasidan 1,5 km sharqda Surxondaryoga quyiladi. Uzunligi 82 km, havzasining maydoni 55.8 km². Boysunsoyga umumiy uz. 213 km boʻlgan 150 ga yaqin irmoq qoʻshiladi. Boysunsoy vodiysining eni Avlod qishlogʻigacha 15–16 m dan 80 m gacha. Boysunsoy qrr, yomgʻir va buloq suvlaridan toʻyinadi, oʻrtacha yillik suv sarfi 0,58 m³/sek. Suv koʻpayganda (apr,— iyun) oʻrtacha suv sarfi 1,0 m³/ sek.ni tashkil etadi va yillik oqimining 60—70% ham shu davrga toʻgʻri keladi. Baʼzan sel oqimlari kuzatiladi. Toshqin davrida suvi loykalanadi (13 kg/m3).
Adabiyotlar
tahrir- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |