Charles Dunbar Burgess King
Charles Dunbar Burgess King (1875-yil 12-mart – 1961-yil 4-sentyabr) liberiyalik siyosatchi, 1920-yildan 1930-yilgacha Liberiyaning 17-prezidenti boʻlib faoliyat yuritgan. Charlz Amerika-Liberiya va Syerra-Leone Kreol millatiga mansub. U 1878-yildan 1980-yilgacha mamlakatni boshqargan True Whig partiyasining aʼzosi boʻlgan.
| Charles D. B. King | |
|---|---|
.jpg) Charles King (1919-yil) | |
| Liberiyaning 17-Prezidenti | |
|
Mansab davri 5-yanvar 1920-yil – 3-dekabr 1930-yil | |
| Vitse-prezident |
Samuel Alfred Ross (1920–1924) Henry Too Wesley (1924–1928) Allen Yancy (1928–1930) |
| Oʻtmishdoshi | Daniel E. Howard |
| Vorisi | Edwin Barclay |
| Shaxsiy maʼlumotlari | |
| Tavalludi |
12-mart 1875-yil Monroviya, Liberiya |
| Vafoti |
4-sentyabr 1961-yil (86 yoshda) Monroviya, Liberiya |
| Siyosiy partiyasi | True Whig |
Charles King 1904-yildan 1912-yilgacha Bosh prokuror, 1912-yildan 1919-yilgacha prezidentlikka saylangunga qadar Liberiya Davlat kotibi boʻlgan. U 1919-yil Parij tinchlik konferentsiyasida qatnashdi. Islohotlar tarafdori boʻlsa-da, korrupsiya hukmronligini qoʻllab quvvatlashda davom etdi.
Prezident Kingning iqtisodiy kun tartibi va rivojlanish rejasi doimo kutilganidan past edi. Savodxonlik darajasi xalq taʼlimida kengroq ravishda oʻsib borayotgan boʻlsa-da, u Liberiyani iqtisodiy oʻsishga toʻsqinlik qiladigan siyosiy tartibsizliklardan saqlay olmadi.
1927-yilda Charles King tarixdagi eng nohalol saylov uchun Ginnesning rekordlar kitobiga kirgan. U bor yoʻgʻi 15 ming saylovchi boʻlgan mamlakatda 234 ming ovoz olgan. Ammo majburiy mehnat va qullik mojarosi 1930-yilda uni isteʼfoga chiqishga majbur qildi. Charles King sharmandalik bilan isteʼfoga chiqdi. Mansabdor shaxslarni yollashda qarindosh-urugʻchilik va uning maʼmuriyati xalq farovonligi va qul mehnatidan foydalanish boʻyicha qabul qilayotgan qarorlarida shaffoflikning yoʻqligi bilan ajralib turardi.
Prezidentlik faoliyati (1920-1930) tahrir
King 1920-yilda Liberiya prezidenti boʻldi va 10 yil xizmat qildi. Prezident sifatida u 1929-yilda Kakatada Buker Vashington qishloq xoʻjaligi va sanoat institutini tashkil etishga yordam berdi.[1]
Manbalar tahrir
- ↑ Weiner, Tim. „Kakata Journal; An Army of Educators Saves a Liberian College“. The New York Times (2003-yil 1-sentyabr). Qaraldi: 2014-yil 21-fevral.