Cruella de Vil

Cruella de Vil (talaffuzi: Kruella de Vil) — britaniyalik yozuvchi Dodie Smith qalamiga mansub 101 ta dalmatin romanidagi xayoliy qahramon. Disney studiyasi tomonidan ishlangan 101 Dalmatians (1961), 101 Dalmatians II: Patch’s London Adventure (2002) animatsion filmlarida hamda 101 Dalmatians (1996), 102 Dalmatians (2000), Cruella (2021) filmlarida ushbu personaj ishtirokidagi sahnalar mavjuddir.

Cruella de Vil
Ilk bora koʻringan	The Hundred and One Dalmatians (1956)
Muallif(lar)	Dodie Smith
Jonlantirgan(lar)	Glenn Close Rachel York Victoria Smurfit Wendy Raquel Robinson Emma Stone
Ovoz bergan(lar)	Betty Lou Gerson Susanne Blakeslee April Winchell Tress MacNeille Barbara Goodson Michelle Gomez Patricia Hodge
Umumiy maʼlumotlar
Toʻliq ismi	Cruella de Vil Cruella Feinberg (Once Upon a Time filmida) Estella von Hellman (Cruella filmida) Estella Miller
Laqablari	Estella
Tabaqasi	moda dizayneri
Bolalari	Carlos de Vil (oʻgʻli; Descendants filmida)
Millati	britan

Adaptatsiyalar

Animatsion filmlar

101 ta dalmatin (1961)

Asosiy maqola: 101 ta dalmatin

Cruella personaji birinchi marta 1961-yilda ishlangan 101 ta dalmatin multfilmida salbiy qahramon timsolida paydo boʻldi. Filmda unga amerikalik aktrisa Betty Lou Gerson ovoz berdi.

2002-yilda Forbes jurnali Disney studiyasi yaratgan Cruella personajini eng badavlat xayoliy qahramonlar roʻyxatida oʻn uchinchi oʻringa loyiq topdi.

102 ta dalmatin

Asosiy maqola: 102 ta dalmatin

2003-yilda ishlangan 102 ta dalmatin animatsion filmida ham Cruella ishtirokidagi sahnalar mavjud. Filmda unga amerikalik ovoz aktrisasi Susanne Blakeslee ovoz berdi.

101 Dalmatians: The Series

Asosiy maqola: 101 Dalmatians: The Series

Cuella 101 Dalmatians animatsion serialida ham asosiy salbiy obrazlardan biri sifatida paydo boʻldi. Serialda unga amerikalik aktrsa April Winchell ovoz berdi.

101 Dalmatian Street

Asosiy maqola: 101 Dalmatian Street

Cruella 101 Dalmatian Street animatsion serialida ham asosiy salbiy qahramon sifatida paydo boʻldi. Unga shotland aktrisasi Michelle Gomez ovoz berdi. Serial voqealari 80-yillarning oxirlarida yoki 90-yillarning boshlarida boʻlib oʻtadi.

Filmlar

101 ta dalmatin (1996)

Asosiy maqola: 101 ta dalmatin

Amerikalik aktrisa Glenn Close 1996-yilda chiqarilgan 101 Dalmatians filmida Cruella de Vil obrazini gavdalantirdi.

102 ta dalmatin

Asosiy maqola: 102 ta dalmatin

2000-yilda 102 ta dalmatin filmi chiqarildi. Unda amerikalik aktrisa Glenn Close film bosh qahramoni — Cruealla jonlantirdi.

Cruella

Asosiy maqola: Cruella (film)

2021-yilda Disney studiyasi Cruealla filmini omma eʼtiboriga havola etdi. Filmga Craig Gillespie rejissorlik qildi. Ssenariyni esa Dana Fox va Tony McNamara yozishdi. Film bosh qahramoni — Cruella rolini amerikalik aktrisa Emma Stone ijro etdi.

Filmda Cruellaning asl ismi Estella Miller boʻladi. Bolaligida onasi Catherine dizayner Baroness von Hellmanga tegishli dalmatinlar tomonidan oʻldiriladi. Qasos ilinjida, Estella oʻzida 'Crueallaʼ personasini yaratadi.