DELAKRUA (Delacroix) Ferdinand Viktor Ejen (1798.26.4, Sen-Moris, Parij yaqinida — 1863.13.8, Parij) — fransuz rassomi, progressiv romantizmning yirik namoyandasi. D. ijodida yangi usullarni dadil qoʻllab toʻyingan koloritga, dadil boʻyoq surtmasi, yorqin nursoya keskinligiga ega boʻlgan rangtasvir tizimini yaratdi; asarlarida erksevarlik gʻoyalari bilan yoʻgʻrilgan faol harakat va joʻshqin ruhni aks ettirdi ("Barrikadada Ozodlik", 1830). D.ning boy ijodiy fantaziyasi, ehtirosi Sharq mavzuidagi tarixiy va klassik hamda zamonaviy adabiy asarlarga ishlagan kartinalarida aniq namoyon boʻldi ("Jazoirlik ayollar", 1833—34; "Marokkodagi yahudiycha toʻy", 1839 va b.).

Adabiyot tahrir

  • OʻzME. Birinchi jild. Toshkent, 2000-yil