Deyan Tyagu

Deyan Tyagu-Stankovich (serbcha: Dejan Tiago-Stanković 2-noyabr 1965-yil, Belgrad – 21-dekabr 2022-yil Lissabon) – serb va portugal yozuvchisi va tarjimoni. „Eshtoril“ (2015) romani uchun Serbiya Fanlar va sanʼat akademiyasining Branko Lopik nomidagi mukofoti va „Zamalek“ romani uchun Yevropa Ittifoqining adabiyot boʻyicha mukofoti (2020) laureati.

Deyan Tyagu serbcha:Dejan Tiago-Stanković
Tavalludi	2-noyabr 1965-yil Belgrad, Yugoslaviya
Vafoti	21-dekabr 2022-yil Lissabon, Portugaliya
Kasbi	yozuvchi, Jurnalist
Ijod qilgan tillari	serb tili, ingliz tili, portugal tili
Fuqaroligi	Portugaliya

Tarjimai holi

Deyan Tyagu 1965-yil 2-noyabr Belgradda tavallud topgan. 1995-yil Londonda yashagan va u yerda Portugal ayoliga uylangan. Keyinchalik ayoli bilan Lissabonga koʻchib oʻtgan va Portugaliya fuqaroligini olgan. U portugal tilidan serb tiliga va serb tilidan portugal tiliga bir qancha tarjimalar qilgan – Saramag, Ivo Andrik va Dragoslav Mixaylovich asarlari bilan ishlagan. U koʻplab Serbiya, Xorvatiya, Portugal, Britaniya va Braziliya nashrlari uchun hujjatli insholar yozgan. Yozuvchi Belgrad haftalik NIN (Nedeljne informativne novine) gazetasining sharhlovchisi boʻlgan. Xorvatlar, serblar, bosnyaklar va chernogoriyaliklarning umumiy tili toʻgʻrisidagi deklaratsiyani imzolagan (serbcha: Deklaracija o zajedničkom jeziku). U 2022-yil 21-dekabrda Lissabondagi uyida toʻsatdan vafot etgan va Belgraddagi Yangi qabristonga dafn qilingan.

Ingliz tilida

• „Estoril“, urush haqidagi romani (London 2017)
• „Tales of Lisbon“ nomli asarlari bor.

Portugal tilida

• „Estoril“ urush haqidagi romani (Lissabon 2016)
• „Contos de Lisboa“ (Estoril)
• „Lisboa ultrasecreta“ (San-Paulu) nomli asarlari bor.

Serb tilida

• „Zamalek“, taqdir haqidagi romani (Belgrad, 2020)
• „Estoril“, urush haqidagi romani (Belgrad 2015).