Dmitriy Novakov

Dmitriy Viktorovich Novakov (1970-yil 12-oktyabr, Novosibirsk) – oʻzbek va rus rassomi, haykaltarosh, grafik rassom.

Dmitriy Viktorovich Novakov
Tavalludi	12-oktyabr 1970-yil (1970-10-12) RSFSR, Novosibirsk
Fuqaroligi	SSSR, Oʻzbekiston va Rossiya
Taʼlimi	Nizomiy nomidagi Toshkent davlat pedagogika instituti
Kasbi	Rassom, haykaltarosh

Hayoti

Dmitriy Viktorovich Novakov 1970-yil 12-oktyabrda Novosibirsk shahrida talabalar oilasida tugʻilgan. U yoshligida Tyumen viloyati Ishim shahrida G. I. Sharapov rahbarligidagi bolalar rassomlik maktabini tamomlagan. Dmitriy Novakov 1992-yilda Nizomiy nomidagi Toshkent davlat pedagogika institutining „Chizmachilik, chizmachilik va mehnat fani oʻqituvchisi“ mutaxassisligi boʻyicha tamomlagan. Yillar davomida Dmitriy Novakov maktab oʻqituvchisi, dizayner, haykaltarosh va ekskursiya boʻyicha gid boʻlib ishlagan. U 1996-yildan buyon ijodiy va koʻrgazmali faoliyat bilan shugʻullanadi.

Haykaltaroshlik faoliyatini 2003-yilda boshlaydi.

Uning koʻplab grafik va haykaltaroshlik asarlari shaxsiy koʻrgazmalari mavjud. Dmitriy Viktorovich Novakov asarlari AQSH, Avstraliya, Germaniya, Angliya, Finlandiya , Turkiya, Yaponiya, Janubiy Koreya, Oʻzbekiston va boshqa mamlakatlardagi shaxsiy kolleksiyalarda, shuningdek, Rossiya, Yaponiya va Turkiyadagi muzey kolleksiyalarida saqlanadi.

Dmitriy Viktorovich Novakov 2002-yilda Oʻzbekiston badiiy ijodkorlar uyushmasining aʼzosiga aylangan.

U 2004—2005-yillarda Oʻzbekiston Badiiy akademiyasi grafika seksiyasi raisi vazifasini bajaruvchi lavozimiga erishgan.

Dmitriy Viktorovich Novakov 2008-yil dekabr oyida Rossiya fuqaroligini oladi. U 2014-yil may oyidan boshlab Sankt-Peterburgda yashab, ishlay boshlaydi.

Ijodiy faoliyati

Dmitriy Novakov 1999-yilda Ochiq Jamiyat Fondi Yordam Jamgʻarmasi doirasida oʻtgan „Hans Christian Andersenning ertak mavzulari boʻyicha grafik ishlari koʻrgazmasi“ loyihasi bilan sanʼat va madaniyat sohasidagi tanlov gʻoliblari qatoriga kirgan. 2004-yilda Dmitriy Novakov „Iqtibos“ mukofotiga sazovor boʻldi va Yaponiya poytaxtiTokio shahrida „Yomiuri xalqaro multfilmlar tanlovi“ boʻlimi tanlovida medal bilan taqdirlangan.

2004-yilda yilning eng yaxshi grafik rassomi sifatida Oʻzbekiston Badiiy akademiyasi grafik boʻlimining ikkita mukofoti – „Maestro“ va „Oltin qalam“ sohibi boʻldi.

2004-yildan buyon Ishim shahar tarix va sanʼat muzeyi bilan faol hamkorlik qilib kelmoqda.

Dmitriy Novakov 2004-yildan 2008-yilgacha Ishim tarix va sanʼat muzeyi uchun „Tavba“, „Ilhom“, „Maryam“ va boshqa haykaltaroshlik kompozitsiyalarini yaratdi. 2005-yilda muallif oʻzining 17 ta grafik asarini Ishim tarix va sanʼat muzeyiga sovgʻa qilgan.

Koʻrgazmalari

Yillar davomida Dmitriy Novakov koʻplab koʻrgazmalarda qatnashadi. U oʻzining Ilk shaxsiy koʻrgazmasini 1999-yilda Toshkentdagi Sergey Yesenin muzeyida tashkil etadi.

Dmitriy Viktorovich Novakov „Hans Christian Andersenning ertak mavzulari boʻyicha grafik ishlari koʻrgazmasi“ kichik grandlar tanlovida qatnashib, gʻalab qozonadi.

U oʻzining birinchi xalqaro koʻrgazmasini 2000-yilda oʻtkazadi. „Ochiq eshiklar kuni“ koʻrgazmasi AQShning Jorjiya shtatida boʻlib oʻtadi.

Dmitriy Viktorovich Novakov 2001—2003-yillarda Bolalar kitoblari uchun eng chiroyli illyustratsiyalar boʻyicha „Bolognafiere“ xalqaro tanlovida (Bolonya, Italiya) ishtirok etadi.

2002-yilda Toshkentdagi Zamonaviy sanʼat markazida boʻlib oʻtgan „Akvarel, chizmachilik“ koʻrgazmasida ishtirok etadi.

Shuningdek, u Xayriya loyihalarida, tasviriy sanʼat asarlari koʻrgazmasida ishtirok etib, savdodan tushgan mablagʻni kasal bolalarni davolashga yoʻnaltirishda faol qatnashadi. (Polsha Respublikasi elchixonasi, Toshkent, Oʻzbekiston).

Dmitriy Viktorovich Novakov Toshkent shahridagi Markaziy koʻrgazmalar zalida „Art-sintez“ grafika koʻrgazmasini, Toshkent shahridagi A.Nazarov nomidagi tibbiyot markazida ikkinchi shaxsiy grafik koʻrgazmasini tashkil etgan.

U 2003-yil Toshkent shahri Markaziy koʻrgazmalar zalida „Hozirgi plastiklik“ nomli uchinchi shaxsiy grafik koʻrgazmasini ham uyushtirgan.