Donetsk Xalq Respublikasi fuqarolik pasporti

Donetsk Xalq Respublikasi fuqarolik pasporti; ruscha: Паспорт гражданина Донецкой Народной Республики;
Turi	ichki pasport
Kim tomonidan berilgan	Donetsk Xalq Respublikasi
Maqsad	shaxsni tasdiqlash
Muvofiqligi	DXR fuqaroligi

Donetsk Xalq Respublikasi fuqarolik pasportidan uning hududida Donetsk Xalq Respublikasi fuqarolari foydalanadilar.

Ikki fuqarolikka ruxsat berilganligi sababli, DXR fuqarolari sayohat qilish uchun Rossiya Federatsiyasi pasportidan foydalanadilar.

Tarixi

DXR birinchi fuqarolik pasporti 2015-yil mart oyida berilgan.

Shu paytgacha Ukraina pasporti shaxsni tasdiqlovchi hujjat sifatida ishlatilgan.

Tavsif

Donetsk Xalq Respublikasi pasporti, toʻq qizil rangda, yuqori qismida „ДОНЕЦКАЯ НАРОДНАЯ РЕСПУБЛИКА“ yozuvi, o‘rtada Donetsk Xalq Respublikasining gerbi, pastki qismida esa „ПАСПОРТ“ yozuvi tasvirlangan.

Ushbu pasport respublikaning barcha fuqarolariga 14 yoshga toʻlgandan keyin^[1] beriladi va DXR hududida asosiy shaxsiy guvohnoma sifatida qonuniy kuchga kiradi. Respublikadan tashqarida ushbu pasport faqat Rossiya Federatsiyasida amal qiladi^[2].

Donetsk Xalq Respublikasi fuqarosining pasporti egasining shaxsini tasdiqlovchi va Donetsk Xalq Respublikasi fuqaroligini tasdiqlovchi hujjatdir.

Pasport, agar Donetsk Xalq Respublikasining xalqaro shartnomalarida boshqacha tartib nazarda tutilgan boʻlmasa, fuqarolik-huquqiy bitimlar tuzish, bank operatsiyalari, boshqa shaxslarga uchinchi shaxs oldida vakillik qilish boʻyicha koʻrsatmalarni bajarish uchun faqat Donetsk Xalq Respublikasi hududida amal qiladi.

Tarkibi

raqam va seriya;
pasportni bergan davlatning nomi — Donetsk Xalq Respublikasi;
egasining shaxsiy imzosi;
familiya;
ism;
otasining ismi;
tugʻilgan kuni;
tugʻilgan joyi;
egasining jinsi;
berilgan sana;
pasportni bergan muassasaning nomi;
pasportni bergan muassasa kodi;
pasport bergan muassasa rahbarining imzosi;
pasportni bergan muassasaning muhri.

Donetsk Xalq Respublikasi fuqarosining pasporti rus tilida toʻldirilgan.

Amal qilish muddati

Fuqaroning pasporti amal qiladi:

14 yoshdan boshlab — 20 yoshga toʻlgunga qadar;
20 yoshdan boshlab — 45 yoshga toʻlgunga qadar;
45 yoshdan boshlab — cheksiz muddatga.

Qiziq faktlar

Seriya va pasport raqami

Seriya va pasport raqami 93 XX YYYYYY formatida yoziladi, bu yerda 93 XX — 4 xonali pasport seriyasi va YYYYYY — 6 xonali pasport raqamidir.

Pasport seriyasining birinchi ikki raqami har doim 93; pasport seriyasining uchinchi va to‘rtinchi raqamlari pasport blankasi berilgan yilning oxirgi ikki raqamiga to‘g‘ri keladi. Misol: 2016-yilda berilgan 93 16 seriyali pasport va 2021-yilda 93 21 seriyali pasport.

Manbalar

[1] „Паспорт ДНР“.

[2] „Международно-правовой статус ДНР и ЛНР“.

[1]

[2]