Dongfeng eπ 008
Dongfeng eπ 008 — Xitoyning yirik avtomobil ishlab chiqaruvchilaridan biri boʻlmish Dongfeng kompaniyasi tomonidan ishlab chiqariluvchi krassover. Avtomobil ham elektromobil, ham gibrid versiyasida ishlab chiqariladi[1][2][3].
| Dongfeng eπ 008 | |
|---|---|
 | |
| Asosiy maʼlumotlar | |
| Ishlab chiqaruvchi | Dongfeng |
| Model yili | 2024 |
| Tasnifi | |
| Sinfi | krassover |
| Oʻlchamlari | |
| Gʻildirak bazasi | 3,025 mm (119.1 in) |
| Uzunligi | 5,002 mm (196.9 in) |
| Kengligi | 1,972 mm (77.6 in) |
| Balandligi | 1,732 mm (68.2 in) |
| Eksteryer | |
| Kuzov turi | Krassover |
| Oʻrindiqlar soni | 6 |
| Eshiklar soni | 5 |
Tarixi
tahrirUshbu model Dongfeng kompaniyasiga qarashli eπ subbrendi tomonidan ishlab chiqilgan yangi dizayndagi olti oʻrindiqli krossoverdir. Avtomobil 2024-yil 25-aprel kuni Pekin avtosalonida rasman namoyish etilishi kutilmoqda[2].
Dongfeng konserni 2023-yilning kuzida elektromobillar ishlab chiqarishga moʻljallangan eπ subbrendi faoliyatini boshlaydi. Ilk model sifatida eπ 007 liftbeki taqdim etildi. Keyinchalik katta oʻlchamli krossover haqida eʼlon qilinadi va eπ 008 deb nomlanadi[4].
eπ subbrendi
tahrirBrenddagi harflar "e" elektr (inglizcha: electric), energiya (inglizcha: energy), kashfiyot (inglizcha: explore) va hissiyotni (inglizcha: emotion) anglatadi. "π" belgisi esa nomaʼlum narsalarni oʻrganuvchi odamlarning ilmiy ruhini aks ettiradi[5].
Texnik koʻrsatkichlari
tahrir
Avtomobil uzunligi 5002 mm, kengligi 1972 mm, balandligi 1732 mm, gʻildirak bazasi esa 3025 mm ga teng. Ushbu avtomobil toʻliq elektrlashgan va gibrid versiyada taqdim etiladi[2][6][3][1].
Dongfeng eπ 008 orqa oʻqqa oʻrnatilgan 200 kVt quvvatga ega elektr motor bilan jihozlanadi. Elektr versiyasini quvvati 82,28 kVt/soat boʻlgan litiy-temir-fosfat batareyasi bilan jihozlanadi hamda 636 km masofani bosib oʻta oladi. Maksimal tezligi 180 km/soat ni tashkil qiladi. Gibrid versiyada toʻrt silindrli 1,5T dvigatel mavjud boʻlib, uning maksimal quvvati 108 kVt generator sifatida ishlaydi. Gibrid versiyasida elektr quvvati yordamida avtomobil 154 km masofani bosib oʻta oladi. Barcha versiyalarning yurish masofasini xisoblashda Xitoyning CLTC siklidan foydalanadi[2][6][3][1].
Eksteryer
tahrirDongfeng eπ 008 yorugʻlik qismi bilan birlashtirilgan tor faralar, matritsa koʻrinishidagi orqa chiroqlar va kirib turuvchi eshik tutqichlari tashqi dizaynning oʻziga xos xususiyatlari hisoblanadi. Modelda 20 yoki 21 dyuymli gʻildiraklar oʻrnatilishi mumkin[6].
Interyer
tahrirAvtomobil salonida markaziy qismida katta ekran va raqamli asboblar paneli, shuningdek, smartfonlar uchun simsiz quvvatlanish tizimi mavjud[2].
Yana qarang
tahrirManbalar
tahrir- ↑ 1,0 1,1 1,2 秦, 超 „日前，东风奕派eπ008预告图发布，官方表示，其为一款6座SUV，将在4月北京车展上首发亮相。“ (zh). autohome.com.cn (2024-yil 2-aprel). Qaraldi: 25-oktyabr.
- ↑ 2,0 2,1 2,2 2,3 2,4 Jin „Гибрид или «электричка» на выбор, огромный экран и шесть мест. Опубликованы первые официальные изображения нового кроссовера Dongfeng Yipai epi008“ (ru). ixbt.com (25-oktyabr). Qaraldi: 25-oktyabr.
- ↑ 3,0 3,1 3,2 Andrews, Mark „Dongfeng eπ 008 to debut at the Beijing Auto“ (en). carnewschina.com (2024-yil 2-aprel). Qaraldi: 25-oktyabr.
- ↑ Бырков, Алексей „Компания Dongfeng готовит электрический кроссовер eπ 008“ (ru). autoreview.ru (2024-yil 5-aprel). Qaraldi: 25-oktyabr.
- ↑ „Dongfeng eπ 007 electric sedan with 1,200 km range debuts in China“ (en). carnewschina.com (2023-yil 10-noyabr). Qaraldi: 2024-yil 25-oktyabr.
- ↑ 6,0 6,1 6,2 Говоров, Андрей „Dongfeng готовит большой кроссовер eπ 008, который потягается с Exeed и Exlantix“ (ru). kolesa.ru (2024-yil 12-fevral). Qaraldi: 2024-yil 9-aprel.