Dorugʻa

Dorugʻa, daruxachi, dorugʻachi (moʻgʻulcha — nazoratchi, shahar boshligʻi) — 1) Moʻgʻullar davlatish mahalliy hokimlar huzuridagi ulugʻ qoon vakili, noibi. D. zimmasiga quyidagi vazifalar yuklatilgan: aholini roʻyxatga olish; mahalliy xalqdan qoʻshin toʻplash; pochta aloqalarini yoʻlga qoʻyish; soliqlar yigʻish; toʻplangan soliq-toʻlovlarni ulugʻ qoon saroyiga yetkazish; 2) Temuriylar va shayboniylar davrida viloyat, shahar hokimi. D.ning vazifasiga shaharni idora qilish, aholi roʻyxatini olish va uni hisob-kitob qilib borish, soliq undirish kabilar kirgan; 3) Buxoro xonligida D. shaharning harbiy komendanti.

Adabiyot

• OʻzME. Birinchi jild. Toshkent, 2000-yil
• Hofiz Tanish al-Buxoriy, Abdullanoma (Sharafnomayi shohiy), 1-j., T., 1999; Mirza Badi’ Divan, Madj-ma’ al-arkam, M., 1981; Bartold V.V., Sochineniya, t.1, M., 1963.