Dotatsiya (lot. dotatio — tuhfa) — 1) maʼlum harajatlarni qoplash uchun iqtisodiyotning bir subʼyekta tomonidan ikkinchisiga qaytarib bermaslik sharti bilan pul mablagʻi berilishi. D., odatda, davlat byudjetidan ajratiladi. Ammo firmalar, korporatsiyalar va uyushmalar oʻz tarkibiga kiruvchi turli bulinma va shoxobchalarga ham moliyaviy koʻmak tariqasida D. beradi. D.dan maqsad moliyaviy koʻmakka muxtojlarning qoʻshimcha harajatlarini qoplab, ularning daromad va harajatlarini muvofiqlashtirishdir. Byudjetdan beriladigan D. aholini ijtimoiy himoyalashni ham moʻljallaydi. Bunda korxona va tashkilotlarning ijtimoiy ahamiyatga ega boʻlgan tovar va xizmatlarni arzon narxda sotishidan kuradigan zarari qoplanadi. Oʻzbekistonda bozor islohotlaripchnt dastlabki kezlarida barcha aholini qimmatchilikdan himoya etish uchun isteʼmol tovarlari xalqqa arzon narxda sotilib, bundan koʻrilgan zarar davlat byudjeti D.si hisobidan qoplandi. Shuningdek, kommunal uy-joy xizmatlariga ham D. berildi. Bunday D. uchun 1988 y.da Oʻzbekistan Respublikasi byudjetidan 14,4 mlrd. soʻm, 1999 y. esa 19,3 mlrd. sum D. ajratildi; 2) muayyan fuqaro yoki alo-hida tashkilotlarga kurilgan zararni qoplash yoki belgilangan maqsadlar uchun davlat tomonidan pul mablagʻlarining ajratilishi.

AdabiyotTahrirlash

  • OʻzME. Birinchi jild. Toshkent, 2000-yil