Ellen Niit
Ellen Peeterovna Niit (qizlik familiyasi Hiob, 13-iyul 1928-yil, Tallin — 30-may 2016-yil, Tallin) — estoniyalik yozuvchi va tarjimon. Estoniya SSRda xizmat koʻrsatgan yozuvchi (1977).
| Ellen Niit | |
|---|---|
| Tavalludi |
13-iyun 1928-yil |
| Vafoti |
30-may 2016-yil (87 yoshda) Tallin, Estoniya |
| Ijod qilgan tillari | 1954—2016 |
| Fuqaroligi |
 Estoniya |
| Taʼlimi | Tartu universiteti |
Biografiyasi
tahrir
Ellen Niit 1928-yil 13-iyulda Tallinda ishchi oilasida tugʻilgan[1]. 1952-yilda Tartu universitetining eston tili va adabiyoti fakultetini tamomlagan, Estoniya bolalar adabiyoti fakultetida aspiranturada tahsil olgan (1952—1956). 1956-yildan 1961-yilgacha Tallindagi Yozuvchilar uyushmasida sheʼriyat boʻyicha maslahatchi, 1961-yildan 1963-yilgacha Estoniya televideniyesida muharrir boʻlgan. Juhan Smuuli nomidagi Estoniya SSR adabiyot mukofoti (1971, 1978) va madaniyat boʻyicha Estoniya milliy mukofoti (2009) laureati. Filologiya fanlari nomzodi (1985)[2]. Sándor Petőfining 120 dan ortiq sheʼrlarini tarjima qilgan[3].
Ijodi
tahrirEllen Niit 1954-yildan bolalar adabiyotida ijod qila boshlgan. Shu yili birinchi sheʼriy hikoyasi „Kuidas leiti nääripuu“, 1957-yilda „Rongisõit“ kitobi chiqadi[1]. 1979-yilda „Krõlliraamat“ sheʼriy toʻplami nashr etiladi. Bolalarga oid birinchi nasriy asari 1963-yilda chiqqan „Pille-Riini lood“ kitobidir. 1970-yilda „Triinu ja Taavi jutud“ kitobi, 1977-yildan uning davomi boʻlgan „Triinu ja Taavi uued ja vanad lood“ kitobi nashr etiladi. 1990-yilda oʻz ijodiy faoliyatini sheʼriyatda davom ettirradi[1]. 1993-yilda „Kuidas Krõll tahtis põrandat pesta“, keyingi yili „Krõlli värviraamat“ va „Krõll ja igasugused hääled“, 1999-yilda „Krõlli pannkoogitegu“ kitoblari nashr etilgan.
Oilasi
tahrirBirinchi turmushi (1949—1958) adabiyotshunos Heldur Niit bilan boʻlgan, ularning oʻgʻli Toomas Niit (1953—2020). 1958-yildan yozuvchi Jaan Kross bilan turmush qurgan (1920—2007)[1]. Bu oilaning Maarja Undusk (1959-yilda tugʻilgan) ismli qizi va ikki oʻgʻli Eerik-Niiles Kross (1967-yilda tugʻilgan) va Märten Kross (1970-yilda tugʻilgan) boʻlgan. Tartu shahrida Kastani koʻchasi, 86-uyda[4], va Tallin shahri Harju koʻchasi, 1-uyda yashagan[5]. Tallindagi Rahumäe qabristoniga dafn etilgan.
Manbalar
tahrir- ↑ 1,0 1,1 1,2 1,3 „Эллен Нийт“. Qaraldi: 2024-yil 28-may.
- ↑ „Каталог РНБ“. 2021-yil 27-aprelda asl nusxadan arxivlangan. Qaraldi: 2020-yil 3-iyun.
- ↑ „Ellen Niit“. 2021-yil 27-aprelda asl nusxadan arxivlangan. Qaraldi: 2020-yil 3-iyun.
- ↑ „Союз писателей СССР. Справочник… — Москва : Сов. писатель, 1954-“. 2021-yil 25-mayda asl nusxadan arxivlangan. Qaraldi: 2021-yil 25-may.
- ↑ „Союз писателей СССР. Справочник… — Москва : Сов. писатель, 1954-. на 1 декабря 1963 г. / Сост. Н. В. Боровская. — 1964. — 774 с.“. 2021-yil 25-mayda asl nusxadan arxivlangan. Qaraldi: 2021-yil 25-may.