Emin Mahmudov

Emin Mahmudov
	Emin Mahmudov Spartak Moskva klubi tarkibida (2011)
Shaxsiy maʼlumot
Toʻliq ismi	Emin Cəbrayıl oğlu Mahmudov
Tavallud sanasi	27-aprel 1992-yil (32 yosh)
Tavallud joyi	Saatli, Ozarbayjon
Boʻyi	1.76 m
Ampluasi	Yarim himoyachi
Klub maʼlumoti
Joriy klub	Neftçi Boku
Raqami	8
Yoshligida aʼzo boʻlgan klublar
2007–2010	Saturn
Professional faoliyati*
Yillar	Jamoa
2010	Saturn Ramenskoye
2011–2014	Spartak Moskva
2012	Tom Tomsk (Ijara)
2013	Kryilya Sovetov (Ijara)
2014–2016	Krylia Sovetov
2015–2016	Mordovia (Ijara)
2016–2017	Boavista
2017–	Neftçi Boku PFK
Milliy terma jamoa‡
2009–2010	Rossiya U18
2010–2011	Rossiya U19
2011–2012	Rossiya U20
2012–2014	Rossiya U21
2016–	Ozarbayjon milliy terma jamoasi
	*Professional klublardagi gollari (ichki chempionat); (17-noyabr uchun); ‡ Milliy terma jamoadagi gollari (2024-yil 30-mart uchun)

Emin Mahmudov (27-aprel 1992-yilda tugʻilgan) — ozarbayjonlik professional futbolchi. Yarim himoyachi pozitsiyasida harakat qiladi. „Neftçi Boku“ klubi va Ozarbayjon milliy terma jamoasi aʼzosi. Terma jamoa sardori. 2021 va 2022-yillarda Ozarbayjonda yil oʻyinchisi deb topilgan.

Klublardagi faoliyati

Saturn Ramenskoye

Mahmudov 1992-yilda Ozarbayjonning Saatli shahrida tugʻilgan. Bolaligida oilasi bilan Rossiyaga koʻchib oʻtgan va „Saturn Ramenskoye“ akademiyasida futbol bilan shugʻullanishni boshlagan. 2010-yilgi mavsum davomida kattalar jamoasida harakat qilgan. Mahmudov Rossiya Premyer Ligasida 2010-yil 24-aprel kuni 17 yoshida debyut qilgan. Debyut uchrashuvida Moskvaning Dinamo klubiga qarshi bahs olib borgan^[2]. Ilk golini 20-noyabr kuni „Anzhi“ darvozasiga kiritgan. Mahmudov Premer-ligadagi birinchi mavsumida jami 22 ta oʻyin oʻtkazgan.

Spartak Moskva

„Saturn“ klubi tarqatib yuborilgandan soʻng, Mahmudov 2011-yil 15 yanvarda Spartak Moskva bilan erkin agent sifatida uzoq muddatli shartnomaga imzo chekdi^[3]. 2011—12-yilgi mavsumidagi birinchi oʻyinida Rostovga qarshi bahsda 90 daqiqa harakat qilgan. Mahmudov Spartak safida mavsum davomida jami 12 oʻyinda ishtirok etgan. Muvaffaqiyatli startga qaramay, asosiy tarkib futbolchisiga aylana olmagan. 2012 va 2014-yillar oraligʻida Mahmudov Premyer Liga jamoalari — Tomsk va Kryliya Sovetov safida ijara asosida harakat qilgan^[4].

Terma jamoadagi faoliyati

2021-yilgacha terma jamoa safida atigi bitta gol urgan. 2021-yilda milliy terma jamoa safida 12 ta oʻyin oʻtkazib, raqiblar darvozasiga 7 ta toʻp kiritishga muvaffaq boʻlgan va terma jamoa tarixidagi eng yaxshi toʻpurarlar 5 taligiga kirgan. 2023-yilning 16-noyabr kuni Yevro-2024 saralashi doirasidagi Shvetsiyaga qarshi bahsda (3:0) dubl qayd etgan.