Everest va ummon
„Everest va ummon“ — oʻzbek shoiri Abdulla Oripov qalamiga mansub sheʼriy toʻplam. 2015-yil Toshkent shahrida „Oʻzbekiston“ nashriyot-matbaa ijodiy uyida chop etilgan. 2017-yil ayni nashriyotda toʻldirilgan ikkinchi nashri chop etilgan.
Muallif(lar) | Abdulla Oripov |
---|---|
Til | oʻzbekcha |
Janr(lar)i | sheʼrlar |
Nashriyot | „Oʻzbekiston“ nashriyot-matbaa ijodiy uyi |
Oʻzbek tilida nashr etilgan sanasi |
2015 2017 (ikkinchi nashr) |
Sahifalar soni | 392 (ikkinchi nashr) |
ISBN | ISBN 978-9943-28-469-2 (ikkinchi nashr) |
Toʻplamga muallif 2015-2016-yillarda yozgan sheʼrlar kiritilgan. Xususan, ikkinchi nashrdan Oripov umrining oxirgi oylarida AQSHning Xyuston shahrida yozgan sheʼrlari oʻrin olgan.
Toʻplam masʼul muharriri – Alisher Nazar. Asarni nashrga tayyorlashda yana quyidagi shaxslar ishtirok etgan: A. Joʻrayev, A. Boboniyozov – muharrirlar, B. Zufarov – rassom-dizayner, T. Xaritonova – texnik muharrir, D. Xolmatova – kichik muharrir, M. Ishonxonova – musahhih, G. Qulnazarova – kompyuterda tayyorlovchi. Ikkinchi nashr adadi – 3 000 nusxa.