Bosh menuni ochish

Fotima (taxminan 605/606, Makka 632/633, Madina) — Muhammad (sav)ning kenja qizi. F.ga eʼtiqod qilish shialar oʻrtasida keng tarqalgan. Shia imomlar va musulmon mamlakatlaridagi koʻpchilik sulolalar (idrisiylar, fotimiylar, saʼdiylar va boshqalar), shuningdek, barcha sayyidlgr F. va uning eri Ali ibn Abu Tolib avlodlari deb hisoblanadi. F. goʻzal boʻlgani uchun nomiga Zahro ismi ham qoʻshib aytiladi. F.ning 5 farzandi: 3 oʻgʻil (Hasan, Husayn, Muhsin) va 2 qizi (Ummi Gulsum va Zaynab) boʻlgan. Muhammad (sav) vafotidan olti oydan soʻng F. olamdan oʻtgan. Madinaga borgan shia ayollar F. qabrini ziyorat qiladi. FOTIMIYLAR Yaqin Sharqda hukmronlik qilgan ismoiliylar xalifalari sulolasi (909—1171). Nasablari Muhammad (sav)ning qizlari Fotimata borib taqaladi. F. davlati Tunisda barpo etilgan. 10-asr oʻrtalarida F. Shim. Afrikaning butun hududi va Sitsiliyani, 969 yil Misrni, 10-asr oxiri — 11-asr boshida esa Suriyani tobe etganlar (yana q. Fotimiylar xalifaligi).