Farrux Shernazarov
Supraks Solyutab antibiotik narxi, tarkibi, tuzilishi, foydalanilishi, qo’llanilishi va inusturuksiyasi haqida batafsil ma’lumot.
Sog’ligingizga ziyon yetkazmang !!!
Saytda ko’rsatilgan ma’lumotlardan faqat mutaxassis provizor yoki shifokor bilan maslaxatlashgandan so’ng foydalaning.
Preparat haqida asosiy ma’lumotlar Tarkibi: 1 tabletka qo‘yidagilarni saqlaydi: Faol modda: tsefiksim – 400 mg (447,7 mg tsefiksim trigidrati ko‘rinishida) Yordamchi moddalar: 44,5 mg mikrokristall tsellyuloza, 40,0 mg quyi almashingan giproloza, 5,0 mg kolloid kremniy dioksidi, 5,0 mg povidan, 10,0 mg magniy stearati 20,0 mg kaltsiy triseskvigidrati saxarinati, 5,0 mg qulupnay hushbo‘yi FA 15757, 2,5 mg qulupnay hushbo‘yi PV 4284, 0,3 mg “sariq quyosh shafag‘i” bo‘yovchisi (Ye110).
Ta’sir etuvchi modda(XPN): tsefiksim
Preparatning savdo nomi: Supraks Solyutab
Farmakalogik guruhi: Antibiotik-tsefalosporin.
Dori shakli: dispergirlanadigan tabletkalar
Ta’rifi och zarg‘aldoq rangli, ikkala tomonida riskali, qulupnay ta’mli uzunchoq tabletka.
Farmakoterapevtik guruhi Antibiotik-tsefalosporin.
ATX kodi J01DD08
Farmakokinetikasi So‘rilishi Ichga qabul qilinganda biokiraolishligi 40-50% ni tashkil qiladi va ovqat qabul qilishga bog‘liq emas.
Kattalarda peroral 400 mg dozada qabul qilinganda qon plazmasida maksimal kontsentratsiyaga (Cmax) 3-4 soatdan keyin erishiladi va u 2,5-4,9 mkg/ml ni , 200 mg dozada- 1,49-3,25 mkg/ml ni tashkil qiladi.
Ovqatni qabul qilish preparatni me’da-ichak yo‘llaridan so‘rilishiga sezilarli ta’sir ko‘rsatmaydi.
Taqsimlanishi 200 mg tsefiksimni yuborilganda 16,8 l ga teng muvozanatli kontsentratsiyasiga erishilganda, taqsimlanish hajmi- 6,7 l ni tashkil qilgan.
Tsefiksimning taxminan 65% plazma oqsillari bilan bog‘lanadi.
Tsefiksim eng yuqori kontsentratsiyalarda siydik va safroda hosil bo‘ladi.
Tsefiksim yo‘ldosh to‘sig‘i orqali kiradi.
Tsefiksimni kindik qonidagi kontsentratsiyasi preparatni ona qon plazmasidagi kontsentratsiyasining 1/6-1/2 darajasiga yetadi, preparat ko‘krak sutida aniqlanmaydi.
Metabolizmi va chiqarilishi Kattalar va bolalarda yarim chiqarilish davri 3-4 soatni tashkil qiladi.
Tsefiksim jigarda metabolizmga uchramaydi, qabul qilingan dozaning 50-55% siydik bilan 24 soat davomida o‘zgarmagan holda chiqariladi.
Tsefiksimning taxminan 10% safro bilan chiqariladi.
Alohida klinik holatlardagi farmakokinetikasi Patsiyentda buyrak yetishmovchiligi bo‘lganida preparatning yarim chiqarilish davrini uzayishini va muvofiq ravishda plazmada kontsentratsiyasini oshishini va buyraklar orqali chiqarilishini sekinlashishini kutish mumkin.
Kreatinin klirensi minutiga 30 ml bo‘lgan patsiyentlarda 400 mg tsefiksim qabul qilinganda, yarim chiqarilish davri 7-8 soatgacha oshadi, plazmada maksimal kontsentratsiyasi o‘rtacha 7,53 mkg/ml ni, siydik bilan 24 soatda chiqarilishi esa – 5,5% ni tashkil qiladi.
Jigar tsirrozi bo‘lgan patsiyentlarda yarim chiqarilish davri 6,4 soatgacha oshadi, maksimal kontsentratsiyaga erishish vaqti (TCmax) – 5,2 soatni tashkil etadi, bir vaqtda preparatni buyrak orqali chiqariladigan qismi oshadi.
Cmax va farmakokinetik egri chiziq ostidagi maydon o‘zgarmaydi.
Qo’llanilishi
Preparatga sezuvchan mikroorganizmlar chaqirgan infektsion-yallig‘lanish kasalliklari: streptokokli tonzillit va faringit,sinusitlar,o‘tkir bronxit,surunkali bronxitni zo‘rayiishi,o‘tkir o‘rta otit,siydik-chiqarish yo‘llarining asoratlanmagan infektsiyalari,asoratlanmagan gonoreya,shigellezda qo‘llanadi.
Qo’llash usuli va do’zalari Kattalar va tana vazni 50 kg dan ortiq bo‘lgan bolalar uchun sutkalik doza bir yoki ikki marta qabul qilish uchun 400 mg.
Tana vazni 25-50 kg bo‘lgan bolalarga preparatni sutkada 200 mg dozada bir marta qabul qilishga buyuriladi.
Tabletkani yetarli miqdordagi suv bilan yutish yoki suvda eritish va olingan suspenziyani tayyorlangandan keyinroq darhol ichish kerak.
Preparatni ovqatni qabul qilishdan qat’iy nazar qabul qilish mumkin.
Davolanish davomiyligi kasallikni kechishiga va infektsiyani turiga bog‘liq.
Infektsiya simptomlari va/yoki isitma yo‘qolgandan keyin preparatni qabul qilishni kamida yana 48-72 soat davom ettirish maqsadga muvofiqdir.
Nafas yo‘llarining va LOR a’zolarining infektsiyalarida davolash kursining davomiyligi 7-14 kunni tashkil qiladi.
Streptococcus pyogenes tomonidan chaqirilgan tonzillofaringitda davolanish davomiyligi kamida 10 kun bo‘lishi kerak.
Asoratlanmagan gonoreyada preparatni 400 mg dozada bir marta buyuriladi.
Ayollarda quyi siydik yo‘llarining asoratlanmagan infektsiyalarida preparatni 3-7 kun davomida, ayollarda yuqori siydik-chiqarish yo‘llarining asoratlanmagan infektsiyalarida -14 kun buyurilishi mumkin.
Erkaklarda yuqori va quyi siydik–chiqarish yo‘llarining asoratlanmagan infektsiyalarida davolash davomiyligi 7-14 kunni tashkil qiladi.
Buyrak funktsiyasini buzilishlarida dozani qon zardobida kreatinin klirensini ko‘rsatkichlariga qarab aniqlanadi.
Kreatinin klirensi minutiga 21-60 ml bo‘lganida yoki gemodializda bo‘lgan patsiyentlarda sutkalik dozani 25% ga kamaytirilishi sababli preparatni boshqa shakllarini ishlatish tavsiya qilinadi.
Kreatinin klirensi minutiga 20 ml va undan kam bo‘lganida yoki peritoneal dializda bo‘lgan patsiyentlarda sutkalik dozani 2 martaga kamaytirish kerak.
Qo’llash mumkin bo`lmagan holatlar Tsefiksimga yoki preparatning komponentlariga o‘ta yuqori sezuvchanlik,tsefalosporinlarga yoki penitsillinlarga o‘ta yuqori sezuvchanlikda qo‘llash mumkin emas.Surunkali buyrak yetishmovchiligi bo‘lgan bolalarga va tana vazni 25 kg dan kam bo‘lgan bolalarga ushbu dori shaklida qo‘llash tavsiya qilinmaydi.
Dorilarning o’zaro ta’siri Naychalar sekretsiyasining blokatorlari (probenetsid va boshqalar) tsefiksimni buyraklar orqali chiqarilishini sekinlashtiradi, bu dozani oshirib yuborilish simptomlarini paydo bo‘lishiga olib kelishi mumkin.
Tsefiksim protrombin indeksini pasaytiradi, bilvosita antikoagulyantlar ta’sirini kuchaytiradi.
Tsefiksimni karbamazepin bilan bir vaqtda qo‘llanganida, plazmada karbamazepinning kontsentratsiyasini oshishi kuzatiladi, bunday holatlarda terapevtik dori monitoringini o‘tkazish maqsadga muvofiqdir.
Maxsus ko’rsatmalar Penitsillinlar bilan kesishuvchan allergik reaktsiyalarni paydo bo‘lishi mumkinligi sababli, patsiyentlarni anamnezini sinchkov baholash tavsiya qilinadi.
Allergik reaktsiyalar paydo bo‘lganida preparatni qo‘llashni darhol to‘xtatish kerak.
Toksik epidermal nekroliz (Layell sindromi), Stivens-Djonson sindromi, eozinofiliya va tizimli reaktsiyalarni bo‘lishi bilan dorivor toshma paydo bo‘lganida tsefeksimni qabul qilishni to‘xtashish kerak va zarur davolash o‘tqazilishi lozim.
Anafilaktik shok rivojlanganida preparatni qabul qilishni to‘xtashish kerak, epinefrinni (adrenalin), tizimli glyukokortikosteroidlar va antigistamin preparatlar yuboriladi.
Preparatni uzoq qo‘llanganda ichak mikroflorasi buzilishi mumkin, bu Clostridium difficile ni haddan ziyod ko‘payishiga va soxtamembranoz kolitni rivojlanishiga olib kelishi mumkin.
Antibiotik bilan assotsiatsiyalangan diareyaning yengil shakllari paydo bo‘lganida, odatda preparatni qabul qilishni to‘xtatish yetarlidir.
Kasallikning og‘irroq shakllarida davolashni muvofiqlashtiruvchi davolash (masalan, vankomitsinni ichga 250 mg dan kuniga 4 marta buyurish) tavsiya qilinadi.
Me’da-ichak yo‘llari motorikasini ingibirlovchi, diareyaga qarshi preparatlar soxtamembranoz kolit rivojlanganida qo‘llanmaydi.
Boshqa tsefalosporinlar kabi, tsefiksim tubulointerstitsial nefrit bilan o‘tkir buyrak yetishmovchiligini chaqirishi mumkin.
O‘tkir buyrak yetishmovchiligi holatida tsefiksimni qabul qilishni to‘xtatish kerak, zarur choralar va/yoki muvofiq davolash buyuriladi.
Supraks® Solyutab® preparatini aminoglikozidlar, polimiksin V, kolistimetat natriy, “xalqali” diuretiklar (furosemid, etakrin kislotasi) bilan bir vaqtda yuqori dozalarda qo‘llash hollarida, ayniqsa buyrak faoliyatini sinchkov nazorat qilish zarur.
Supraks® Solyutab® preparati bilan uzoq davolangandan keyin gemopoez faoliyati holatini tekshirish lozim.
Dispergirlanadigan tabletkalarni faqat suvda eritish lozim.
Davolanish vaqtida ekspress diagnostika uchun ayrim test-tizimlari ishlatilganda Kumbsning bevosita soxta musbat reaktsiyalari v a siydikni glyukozaga soxta musbat reaktsiyalari bo‘lishi mumkin.
Transport vositalarini boshqarish va mexanizmlar bilan ishlash qobiliyatiga ta’siri Supraks® Solyutab® preparatni transport vositalarini va mexanizmlarni boshqarish qobiliyatiga ta’siri bo‘yicha tekshirishlar o‘tkazilmagan.
Noxush samaralar (masalan, bosh aylanishi) bo‘lishi mumkinligi tufayli ehtiyotkorlikka rioya qilish lozim.
Homiladorlik va laktasiya davrida Supraks® Solyutab® preparatini homiladorlikda faqat ona uchun taxmin qilinayotgan foyda, homila uchun bo‘lgan potentsial xavfdan ustun bo‘lgan hollardagina qo‘llash mumkin.
Preparatni laktatsiya davrida qo‘llash zarurati tug‘ilganida emizishni to‘xtatish lozim.
Saqlash sharoiti 25ºS dan yuqori bo‘lmagan haroratda.
Bolalar ololmaydigan joyda saqlansin.
Dozani oshirib yuborilishi Maksimal sutkalik dozadan ortiq dozani qabul qilinganda yuqorida ta’riflangan dozaga bog‘liq nojo‘ya samaralarning tez-tezligi oshishi mumkin.
Davolash: me’dani yuvish, simptomatik va tutib turuvchi davolash o‘tkaziladi.
Gemodializ va peritoneal dializ samarasizdir.
Dorixonadan berilish tartibi Retsept bo‘yicha
Chiqarilish shakli 400 mg dan dispergirlanadigan tabletkalar.
1, 5, 7 tabletkalar PVDX/PVX plyonka va alyumin folga blisterda.
1, 5, 7 tabletkadan 1 blister yoki 5 tabletkadan 2 blister qo‘llash bo‘yicha yo‘riqnomasi bilan birga karton qutida.
Yaroqlik muddati 3 yil.
O‘ramda ko‘rsatilgan yaroqlilik muddati o‘tgach qo‘llanilmasin.
Med1.uz – Raqamlashtirilgan tibbiyot platformasi.