Ganszyan

Ganszyan — Xitoyning sharqidagi daryo, Yanszi havzasiga mansub. Uzunligi 760 km, havzasining mayd. 82 ming km². Eng yirik irmoqlari: Yuanshuy, Szin-szyan, Lyaoshuy. Nanlin togʻlaridan boshlanadi. Togʻ oraligʻidagi vodiydan oqib, Poyanxu kuliga quyiladi. Oʻrtacha yillik suv sarfi 2300 m3/sek, yoz oylarida toʻlib oqadi. Quyilish joyidan Ganchjou sh.gacha kema qatnaydi. Yogʻoch oqiziladi.

Adabiyotlar

• OʻzME. Birinchi jild. Toshkent, 2000-yil