Gobi katta jigarrang koʻrshapalagi
Gobi katta jigarrang koʻrshapalagi (Eptesicus gobiensis) vesper koʻrshapalaklarning bir turi[2]. U Afg'oniston, Xitoy, Hindiston, Mo'g'uliston, Pokiston va Rossiyada uchraydi. Rossiya zoologi Professor Nikolay Alekseyevich Bobrinski birinchi Gobi sahrosidan va Oltoy togʻlaridan topilgan tur namunalarini oʻrganib 1926-yilda ularni tasniflagan.
| Gobi katta jigarrang koʻrshapalagi | |
|---|---|
Muhofaza qilish holati
| |
Ilmiy klassifikatsiya 
| |
| Vakillik: | Hayvonlar |
| Filum: | Chordata |
| Sinf: | Sutemizuvchilar |
| Oila: | Vespertilionidae |
| Gen: | Eptesicus |
| Tur: | E. gobiensis
|
| Binomial nomi | |
| Eptesicus gobiensis Bobrinski, 1926-yil
| |
Taʼrifi tahrir
Koʻrshapalak tana uzunligi 57 to 65 millimetr (2.2 to 2.6 in)atrofida, orqa tomonidagi moʻynasi qizgʻish-sariq, tuklarning asoslari toʻq jigarrang, pastki qismidagi moʻynasi esa jigarrang oq rangga ega. Yuqori jagʻning ichki tishlari tashqi tomondan ancha yuqorida joylashgan[3].
Tarqalishi va yashash joylari tahrir
Gobi katta jigarrang koʻrshapalagining vatani Markaziy Osiyo hisoblanadi. Uning parvoz oraligʻi Shimoliy Erondagi Alborzdan, Qozogʻiston, Afgʻoniston, Shimoliy Hindiston, Mo'g'uliston va Janubiy Sibirdagi Tuva orqali, Sharqiy Xitoyga tomon choʻzilgan. Odatda choʻl, chala choʻl va togʻli mintaqalarda yashaydi. U yolgʻiz yoki kichik guruhlarda, soyali joylarni, toshlardagi yoriqlarni yoki eski binolarning ichki qismlarini, baʼzan esa gʻorlarning tashqi qismlarini uya sifatida tanlashi mumkin, ammo daraxtlarda yashay olmaydi[1].
Ekologiya tahrir
Boshqa vesper koʻrshapalaklar singari, bu ham hasharotxoʻr koʻrshapalak hisoblanadi va uning taomnomasida kapalaklar boʻlishi ham mumkin. Bu tur tungi yirtqich qushlar tomonidan oʻlja sifatida ovlanadi[1].
Statuslari tahrir
Eptesicus gobiensis turining tendentsiyasi nomaʼlum boʻlsa-da, hech qanday pasayish aniqlanmagan va bu koʻrshapalak hech qanday tahdidlarga duch kelmaydi. Kelajakda qurg'oqchilik va suv manbalarining qurishi ushbu turga taʼsir qilishi mumkin, chunki Buyuk Depressiya Koʻllaridagi daryolardan birida toʻgʻon qurilishi mumkin. Moʻgʻuliston ichidagi ushbu koʻrshapalakning taxminan 17 % qoʻriqlanadigan hududlarga toʻgʻri keladi va uning Rossiya va Qozogʻistondagi vakillari ham qoʻriqlanadigan hududlarda istiqomat qiladi[1]. Natijada xalqaro Tabiatni muhofaza qilish Ittifoqi uning tabiatni muhofaza qilish maqomini „eng kam tashvishli jonivor“ deb baholadi.
Manbalar tahrir
- ↑ 1,0 1,1 1,2 1,3 Srinivasulu, C.; Srinivasulu, B. (2019). „Eptesicus gobiensis“. IUCN Red List of Threatened Species. 2019: e.T41531A22004381. doi:10.2305/IUCN.UK.2019-3.RLTS.T41531A22004381.en. Retrieved 16 November 2021.
- ↑ Andoza:MSW3 Chiroptera
- ↑ Smith, Andrew T.. A Guide to the Mammals of China. Princeton University Press, 2010 — 356 bet. ISBN 1-4008-3411-2.
