Godavari

Godavari, Godi — Hindistondagi daryo. Uz. 1450 km, havzasinint mayd. 290 ming km². Gʻarbiy Gat toglarining sharqiy yon bagridan boshlanib, Dekan yassitogʻligini kesib oʻtadi va Bengaliya qoʻltigʻiga delta (2 ming km²) hosil qilib quyiladi. Yuqori oqimi va dengizboʻyi tekisligiga chiqish yerida ostonalar ustidan oqadi. Yassitogʻlikda chuqur vodiydan oʻtadi. Shu sababli faqat quyi oqimidagina sugʻorishda foydalaniladi. Oʻrtacha yillik suv sarfi 3500 m3/sek. Iyun—avg .da suvi koʻpayadi. Oʻrta oqimi va deltasida kema qatnaydi. G. boʻyida Rojamandri sh. joylashgan. G.da toʻgʻonlar, yirik GES va irrigatsiya sistemalari qurilgan.

Godavari
Tavsif
Uzunligi	1 465 km
Suv sarfi	3 061,18 m³/s
Joylashuvi
Davlat	Hindiston
Godavari

Adabiyotlar

• OʻzME. Birinchi jild. Toshkent, 2000-yil