Guitar Pro
Guitar Pro (talaffuzi: Gitar Pro) — gitara va bas tabulaturalarini hamda nota partituralarini tahrir qilish uchun moʻljallangan, koʻp qator (dorojka)li dastur. Guitar Proda gitarachilar va umuman musiqachilar uchun kuchli MIDI tahrirlovchi, akkord tuzuvchi, metronom va boshqa koʻplab asboblar bor. Dasturning Windows, Mac OS X (faqat Intel protsessorlari uchun) va Linux uchun versiyalari mavjud. Guitar Pro Fransiyada joylashgan Arobas Music kompaniyasi tomonidan tayyorlanadi.
 | |
 Guitar Pro 5 dasturining Windows versiyasi skrinshoti | |
| Ishlab chiqaruvchi | Arobas Music |
|---|---|
| Eng so‘nggi versiyasi | 7.0.0 / 7-aprel 2017-yil |
| Operatsion sistema | Microsoft Windows, Mac OS X (faqat Intel protsessorlari), Linux (Ubuntu 9.10 hamda 10.04 da rasman ishlaydi) |
| Til(lar) | C++ |
| Janr | Nota tahrirlovchi |
| Litsenziya | Noerkin |
| Vebsayt: | guitar-pro.com |
Tarixi tahrir
Guitar Proning 3-, 4-, 5- va 6-versiyalari yaxshi kutib olindi. Dastur boshida faqat tabulatura tahrirlovchi sifatida eʼlon qilingan. Ammo vaqt oʻtishi bilan u ancha kengaydi va gitaradan boshqa asboblarni ham qoʻllaydigan boʻldi.
4-versiyagacha Guitar Pro faqat Microsoft Windows uchun tayyorlangan. Ilk bor 2005-yil noyabrda eʼlon qilingan Guitar Pro 5 ham faqat Windows uchun edi. Bir yildan soʻng 2006-yil iyulda uning Mac OS Xga moʻljallangan versiyasi eʼlon qilindi.
2010-yil 5-aprelda butunlay boshqacha koʻrinishdagi Guitar Pro 6 sotuvga chiqarildi. Bu versiya Linuxda ham ishlaydi. Xususan, Guitar Pro 6 Ubuntuda rasman ishaydi.
2011-yil 6-fevralda Guitar Proning mobil moslamalar uchun ilk versiyasi (6-versiya) App Storega qoʻyildi. Bu versiya iOS 3.0 yoki undan yangiroq operatsion tizimli iPhone, iPod Touch va iPadlarda ishlaydi.
2011-yil Guitar Pro 6 Fretlight Ready deb nomlanuvchi gitara uchun dasturning maxsus versiyasi ichlab chiqilgan. Bunda gitarachi ijro etilayotgan qoʻshiqning notalarini gitaraning dastasiga oʻrnatilgan LED chiroqlar yordamida koʻrishi mumkin boʻlgan.
Tuzilishi tahrir
Guitar Proda ham standart nota chiziqlari, ham tabulatura koʻrinib turadi. Dasturda biror-bir qoʻshiqda ishlatilgan har bir asbob uchun qator (dorojka) tayyorlash mumkin, ularni istalgan tempda eshitib koʻrish mumkin. Baʼzi bir qatorlarni oʻchirib turish, qolganlarining tovushini oʻzgartirish mumkin. Bundan tashqari, faqatgina bitta qatorni eshitib koʻrish ham mumkin. Dasturning 4-va undan keyingi versiyalarida klavishli asboblarda chalingan qismlarni qoʻshish imkonini beruvchi maxsus klaviatura ham bor.
Guitar Proda tovush maxsus kutubxonadan chiqariladi. 5-versiyadan boshlab haqiqiyroq tovush chiqarish uchun „Realistik tovush chiqaruvchi“ (inglizcha: Realistic sound engine) dan foydalanish mumkin.[1] Jonli koʻrib chiqish funksiyasi yordamida qoʻshiq bilan birga ijro etish mumkin.
Guitar Proning 7-, 6-, 5-, 4-va 3-versiyalarida tayyorlangan fayllar mos ravishda Gp, GPX, GP5, GP4 va GP3 formatlarida saqlanadi. Yangiroq versiyada yozilgan fayl eskiroq versiyada toʻliq ishlamaydi. Bunday hollarda foydalanuvchi yangiroq versiyani olishga chaqiriladi.
Guitar Proda ishlatish mumkin boʻlgan tabulaturalarni bir necha saytlardan bepul olish mumkin. Bunday saytlarda ham tanilgan, ham tanilmagan ijrochilarning asarlari mavjud. Musiqa chiqaruvchilar birlashmasi (inglizcha: Music Publishers' Association) bosimi ostida bunday saytlarning baʼzilari yopildi.[2]
Manbalar tahrir
- ↑ Mendelson, James „Guitar Pro 5“. PCMag (16-fevral 2007-yil). Qaraldi: 5-yanvar 2016-yil.
- ↑ Youngs, Ian „Song sites face legal crackdown“. BBC News (12-dekabr 2005-yil). Qaraldi: 5-yanvar 2016-yil.
Havolalar tahrir
- Rasmiy sayt (ingl.) (frans.)
- Ultimate Guitar tabulaturalar sayti (ingl.)