Hazrati imom jome masjidi

Hazrati imom jome masjidi – Oʻzbekiston Respublikasi Prezidenti Islom Karimov tashabbusi va bevosita rahbarligi ostida yaratilgan loyiha asosida oʻzbekistonlik ustalar tomonidan milliy uslubda bunyod etilgan meʼmoriy obida(2007).

Masjidning tuzilishi

Masjid nomi buyuk alloma — Qaffol Shoshiy ismi bilan bogʻliq. Binoda juma kunlari 5 ming namozxon ibodat qilishi mumkin. 2007-yil 27 dekabrda Adliya boshqarmasi roʻyxatidan oʻtgan. Masjid „Hazrati Imom“, „Shoshiy“, „Istiqlol“ va „Namuna“ maxallalariga xizmat qiladi. Ustunsiz barpo etilgan xonaqohning uzunligi 77 metr, eni 22 metr, mehrobi bilan qoʻshib xisoblansa 24 metr keladi. Qanotlari xam boʻyiga 35 metr, eniga 25 metr. Masjid shiftiga 14 ta katta, 48 ta kichik qandil, xonaqoh shiftining oʻrtasiga shakli uzunchoq likobni eslatadigan gumbaz oʻrnatilgan. Masjid minoralari (2 ta) balandligi — 52 metr. Hovlidagi ayvonlarga Hindistondan keltirilgan sandal daraxtidan yasalgan, buyi 8,6 metrlik naqshinkor ustunlar oʻrnatilgan.

Masjid xonaqohining hovlidan ko`rinishi

Adabiyotlar

• Toshkent.Ensikopediya. Toshkent: Oʻzbekiston, 2009 — 780 bet.