Islom Karimov

Islom Abdugʻaniyevich Karimov (1938-yil 30-yanvar, Samarqand shahri — 2016-yil 2-sentabr, Toshkent shahri) — davlat va siyosat arbobi, Oʻzbekiston Respublikasining birinchi prezidenti. Oʻzbekiston Qahramoni (1994). Oʻzbekiston Qurolli Kuchlari Oliy Bosh Qoʻmondoni va 2007-yilgi prezidentlik saylovlari gʻolibi, 2015-yilgi prezidentlik saylovlari gʻolibi. Oʻzbekiston mustaqilligi eʼlon qilingunga qadar OʻzSSR kommunistik partiyasi birinchi kotibi. 1991-yildan umrining oxiriga qadar Oʻzbekiston Prezidenti. Islom Karimov boshchiligida Oʻzbekiston oʻzining Konstitutsiyasiga ega boʻldi, BMTda tan olindi va MDH davlatlari bilan teng huquqli aloqalarni olib borgan.

Islom Abdugʻaniyevich Karimov
Oʻzbekiston Prezidenti
1991-yil 29-dekabrdan — 2016-yil 2-sentabrgacha
Hukumat boshlig‘i:	Shukrullo Mirsaidov Abdulhoshim Mutalov Oʻtkir Sultonov Shavkat Mirziyoyev
Oʻtmishdoshi:	lavozim taʻsis etilgan; uning oʻzi OʻzSSR Prezidenti sifatida
Vorisi:	Nigʻmatilla Yoʻldoshev (muvaqqat prezident) Shavkat Mirziyoyev (muvaqqat prezident) Shavkat Mirziyoyev
OʻzSSR KP MQ birinchi kotibi
1989-yil 23-iyundan — 1991-yil 14-sentabrgacha
Oʻtmishdoshi:	Rafiq Nishonov
Vorisi:	lavozim tugatilgan
Tavalludi:	30-yanvar 1938-yil(1938-01-30) Samarqand, Oʻzbekiston SSR
Vafoti:	2-sentabr 2016-yil(2016-09-02) (78 yoshda) Toshkent, Oʻzbekiston Respublikasi
Otasi:	Abdugʻani Karimov
Onasi:	Sanobar Karimova
Xotini:	Natalya Kuchma (1965-1970) Tatyana Karimova (1971-yildan)
Bolalari:	oʻgʻli: Pyotr (1966) qizlari:Gulnora Karimova (1972) Lola Karimova-Tillayeva (1978)
Mukofotlari:

Hayoti va faoliyati

Islom Karimov xizmatchi oilasida tugʻilgan. Oʻrta Osiyo politexnika instituti (1960), Toshkent xalq xoʻjaligi institutini (1967) tugatgan.

Mehnat faoliyati

Mehnat faoliyatini 1960-yilda Toshkent qishloq xoʻjaligi mashinasozligi („Tashselmash“) zavodida master yordamchiligidan boshladi. Soʻng mazkur korxonada master, texnolog. 1961-yildan 1966-yilgacha V. P. Chkalov nomidagi Toshkent aviatsiya ishlab chiqarish birlashmasida muhandis, yetakchi muhandis-konstruktor boʻlib ishladi. 1966-yilda Oʻzbekiston Davlat plan komitetiga ishga oʻtib, bosh mutaxassislikdan respublika Davlat plan komiteti raisining birinchi oʻrinbosarigacha boʻlgan yoʻlni bosib oʻtdi. 1983-yildan Oʻzbekiston SSR Moliya vaziri, 1986-yildan Oʻzbekiston SSR Ministrlar Soveti raisining oʻrinbosari — respublika Davlat plan komitetining raisi. 1986—89-yillarda Oʻzbekiston KP Qashqadaryo viloyat komitetining birinchi kotibi, 1989-yil iyunidan Oʻzbekiston KP MK birinchi kotibi. 1990-yil 24-martda Oʻzbekiston SSR Oliy Kengashining sessiyasida Islom Karimov Oʻzbekiston SSR Prezidenti etib saylandi.

Siyosiy faoliyati

1991-yil 31-avgustda Karimov tarixiy voqea — Oʻzbekiston Respublikasining davlat mustaqilligini eʼlon qildi. 1991-yil 29-dekabrda muqobillik asosida oʻtkazilgan umumxalq saylovida Karimov Oʻzbekiston Respublikasi Prezidenti etib saylandi. 1995-yil 26-martda boʻlib oʻtgan umumxalq referendumi yakunlariga koʻra, Karimovning Prezidentlik vakolati 2000-yilga qadar uzaytirildi. 2000-yil 9-yanvarda u muqobillik asosida Oʻzbekiston Respublikasining Prezidenti etib qayta saylandi. Oʻzbekiston Respublikasi Konstitutsiyasining 89- va 93-moddalariga muvofiq, Karimov ayni vaqtda, Oʻzbekiston Respublikasi Vazirlar Mahkamasining Raisi (1990-1992,), Oʻzbekiston Respublikasi Qurolli Kuchlarining Oliy Bosh qoʻmondonidir.

Ilmiy faoliyati

Karimov Oʻzbekiston Fanlar Akademiyasi (1994), shuningdek, iqtisod, fan, taʼlimni rivojlantirishga qoʻshgan ulkan hissasi uchun oʻndan ortiq xorijiy mamlakat universitet va akademiyalarining faxriy fan doktori, professor hamda akademikligiga saylangan. Uning

1. „Oʻzbekistonning oʻz istiqlol va taraqqiyot yoʻli“ (1992),
2. „Yangi uy qurmay turib, eskisini buzmang“ (1993),
3. „Oʻzbekiston — bozor munosabatlariga oʻtishning oʻziga xos yoʻli“ (1993),
4. „Bizdan ozod va obod Vatan qolsin“ (1994),
5. „Istiqlol va maʼnaviyat“ (1994),
6. „Vatan sajdagoh kabi muqaddasdir“ (1995),
7. „Oʻzbekiston XXI asr boʻsagʻasida: xavfsizlikka tahdid, barqarorlik shartlari va taraqqiyot kafolatlari“ (1997),
8. „Barkamol avlod orzusi“ (1998),
9. „Kuchli davlatdan kuchli jamiyat sari“ (1998),
10. „Tarixiy xotirasiz kelajak yoʻq“ (1998),
11. „Olloh qalbimizda, yuragimizda“ (1999),
12. „Ozod va obod vatan, erkin va farovon hayot — pirovard maqsadimiz“ (2000),
13. „Tinchlik uchun kurashmoq kerak“ (2001),
14. „Oʻzbekistonda demokratik oʻzgarishlarni yanada chuqurlashtirish va fuqarolik jamiyati asoslarini shakllantirishning asosiy yoʻnalishlari“ (2002)
15. Yuksak ma'naviyat–yengilmas kuch (2008)

va boshqa asarlarida iqtisodiyot, ijtimoiy-siyosiy taraqqiyotning dolzarb masalalari tadqiq qilingan, Oʻzbekistonning ichki va tashqi siyosati ilmiy asoslab berilgan, hozirgi va istiqboldagi vazifalar koʻrsatib oʻtilgan. Uning asarlari ingliz, rus, fransuz, ispan, nemis, hind, xitoy, arab, koreys, turk va boshqa xorijiy tillarga tarjima qilinib, bir necha bor nashr etilgan.

Xorijiy davlatlarga tashriflar

Quyida Prezident Islom Karimovning davlat rahbari sifatida xorijiy davlatlarga qilgan rasmiy tashriflari keltirilgan:

#	Davlat	Tashrif sanasi	Sabab
125	Rossiya	03-05.01.2014	ikki tomonlama munosabatlar
124	Latviya	10-12.10.2014	ikki tomonlama munosabatlar
123	Turkmaniston	14-17.09.2014	ikki tomonlama munosabatlar
122	Isroil	20-21.03.2014	ikki tomonlama munosabatlar
121	Shveytsariya	10-12.10.2013	ikki tomonlama munosabatlar
120	Fransiya	23-26.09.2013	ikki tomonlama munosabatlar
119	Turkmaniston	15-16.10.2012	Mustaqil Davlatlar Hamdoʻstligi (MDH) Davlat rahbarlari kengashining navbatdagi majlisi
118	Ozarbayjon	15-16.10.2012	ikki tomonlama munosabatlar
117	Turkmaniston	01-02.10.2012	ikki tomonlama munosabatlar
116	Qozogʻiston	06-07.09.2012	ikki tomonlama munosabatlar
115	Xitoy	05-07.06.2012	Shanxay hamkorlik tashkiloti (ShHT) Davlat rahbarlari kengashining 12-majlisi
114	Rossiya	20-21.12.2011	Kollektiv xavfsizlik shartnomasi tashkiloti va Mustaqil Davlatlar Hamdoʻstligi oliy organlarining Moskva shahrida boʻlib oʻtgan sessiyalari
113	Qozogʻiston	14-15.06.2011	Shanxay hamkorlik tashkilotiga (ShHT) aʼzo davlatlar Davlat rahbarlari kengashining navbatdagi majlisi
112	Hindiston	17-18.05.2011	ikki tomonlama munosabatlar
111	Xitoy	19-20.04.2011	ikki tomonlama munosabatlar
110	Yaponiya	18.02.2011	Imperator Akihito, Bosh vazir Naoto Kan, Yaponiya Parlamentining yuqori va quyi palatalari raislari bilan uchrashuv
109	Belgiya	24.01.2011	NATO Bosh kotibi Anders Fogh Rasmussen bilan uchrashdi
108	Rossiya	10.12.2010	ikki tomonlama munosabatlar, Kollektiv xavfsizlik shartnomasi tashkiloti (ODKB) Kollektiv xavfsizlik kengashi
107	Qatar	23-24.11.2010	ikki tomonlama munosabatlar
106	Turkmaniston	19-20.10.2010	ikki tomonlama munosabatlar, O‘zbekiston va Turkmaniston xalqlarining do‘stlik festivali
105	AQSh	20.09.2010	BMT Bosh Assambleyasining Mingyillik rivojlanish maqsadlari bo‘yicha oliy darajadagi yalpi majlisi
104	Koreya Respublikasi	10-12.02.2010	ikki tomonlama munosabatlar, Ustyurt gaz-kimyo majmuini qurish va konni o‘zlashtirish loyihasi
103	Turkmaniston	13-14.12.2009	ikki tomonlama munosabatlar
102	Oman	04-05.10.2009	ikki tomonlama munosabatlar
101	Rossiya	14-16.06.2009	Kollektiv xavfsizlik shartnomasi tashkiloti (ODKB) Kollektiv xavfsizlik kengashining sessiyasi, Shanxay hamkorlik tashkilotining navbatdagi sammiti
100	Braziliya	26-28.05.2009	ikki tomonlama munosabatlar
99	Rossiya	04.02.2009	Kollektiv xavfsizlik shartnomasi tashkiloti (ODKB) Kollektiv xavfsizlik kengashi sessiyasi
98	Qirgʻiziston	09-10.10.2008	Mustaqil Davlatlar Hamdoʻstligi Davlat rahbarlari kengashi, Yevroosiyo iqtisodiy hamjamiyati Davlatlararo kengashi majlislari hamda Markaziy Osiyo davlat rahbarlarining uchrashuvi
97	Ozarbayjon	11-14.09.2008	ikki tomonlama munosabatlar
96	Rossiya	05-06.09.2008	ikki tomonlama munosabatlar, Kollektiv xavfsizlik shartnomasi tashkiloti (ODKB) sammiti
95	Tojikiston	27-28.08.2008	Shanxay hamkorlik tashkiloti Davlat rahbarlari majlisi
94	Xitoy	08-09.08.2008	Yozgi Olimpiada oʻyinlari 2008 ochilish marosimi
93	Qozogʻiston	22-23.04.2008	ikki tomonlama munosabatlar
92	Ruminiya	03-04.04.2008	Buxarestda NATO/Yevroatlantika hamkorlik kengashi sammiti
91	Birlashgan Arab Amirliklari	17-18.03.2008	ikki tomonlama munosabatlar
90	Koreya Respublikasi	24-26.02.2008	Lee Myung-bakning o‘z lavozimini bajarishga rasman kirishish marosimi
89	Rossiya	05-06.02.2008	ikki tomonlama munosabatlar
88	Turkmaniston	18-19.10.2007	ikki tomonlama munosabatlar
87	Tojikiston	05-06.10.2007	Mustaqil Davlatlar Hamdo‘stligi Davlat rahbarlari majlisi, Yevroosiyo iqtisodiy hamjamiyati Davlatlararo kengashining majlisi, Kollektiv xavfsizlik shartnomasi tashkiloti Kollektiv xavfsizlik kengashining sessiyasi
86	Misr	17-19.04.2007	ikki tomonlama munosabatlar qo‘shma bayonoti
85	Singapur	25.01.2007	ikki tomonlama munosabatlar
84	Belarus	22-25.06.2006	Yevroosiyo iqtisodiy hamjamiyati majlisi
83	Qozogʻiston	17.06.2006	Osiyoda hamkorlik va ishonch choralari bo‘yicha kengashning (OHICHK) sammiti
82	Pokiston	02-05.05.2006	ikki tomonlama munosabatlar
81	Koreya Respublikasi	29-30.03.2006	ikki tomonlama munosabatlar
80	Qozogʻiston	10-11.01.2006	ikki tomonlama munosabatlar
79	Rossiya	14.11.2005	ikki tomonlama munosabatlar
78	Rossiya	06-09.10.2005	"Markaziy Osiyo hamkorligi" majlisi
77	Moldova	02-03.10.2005	ikki tomonlama munosabatlar
76	Qozogʻiston	04.07.2005	Shanxay hamkorlik tashkilotiga (SHHT) aʼzo davlatlar rahbarlari sammiti
75	Rossiya	28.06.2005	ikki tomonlama munosabatlar
74	Xitoy	25.05.2005	ikki tomonlama munosabatlar
73	Hindiston	04.04.2005	ikki tomonlama munosabatlar
72	Xatolik!	15.03.2005	ikki tomonlama munosabatlar
71	Tojikiston	17-18.08.2004	"Markaziy Osiyo Hamkorligi" majlisi
70	Qozogʻiston	02-03.07.2004	MDH davlatlari sammiti
70	Rossiya	02-03.07.2004	ikki tomonlama munosabatlar
69	Rossiya	15-18.04.2004	ikki tomonlama munosabatlar
68	Latviya	07-08.04.2004	ikki tomonlama munosabatlar
67	Quvayt	19-20.01.2004	ikki tomonlama munosabatlar
66	Gruziya	09-10.10.2003	ikki tomonlama munosabatlar
65	Ukraina	18-19.09.2003	Mustaqil Davlatlar Hamdo‘stligi davlat rahbarlarining Kengashi
64	Qozogʻiston	05-06.07.2003	"Markaziy Osiyo hamkorligi" tashkiloti davlat rahbarlari sammiti
63	Eron	17-18.06.2003	ikki tomonlama munosabatlar
62	Rossiya	29.05.2003	Shanxay hamkorlik tashkiloti (SHHT) ishtirokchi-davlatlar rahbarlari sammiti
61	Ispaniya	27-29.01.2003	ikki tomonlama munosabatlar
60	Yaponiya	27.12.2002	"Markaziy Osiyo hamkorligi" (MOH) tashkilotining ishtirokchi-davlatlari rahbarlari sammiti
59	Chexiya	21.11.2002	ikki tomonlama munosabatlar, NATO-yevroatlantik sheriklik Kengashi sammiti
58	Mojariston	27.10.2002	ikki tomonlama munosabatlar
57	Moldova	07.10.2002	Mustaqil Davlatlar Hamdoʻstligi (MDH) sammiti
56	Tojikiston	05-06.10.2002	"Markaziy Osiyo hamkorligi" tashkilotining sammiti
55	Litva	23.09.2002	do‘stlik va hamkorlik haqidagi bitim
54	Yaponiya	29.07.2002	ikki tomonlama munosabatlar
53	Rossiya	06.06.2002	MDH sammiti
52	Rossiya	17.05.2001	MDH sammiti
51	AQSh	08.09.2000	BMT „Mingyillik majlisi“ sammiti
50	Tojikiston	05.07.2000	"Shanxay beshligi" sammiti
49	Rossiya	21-23.06.2000	oʻzaro hamkorlik, MDHga aʼzo davlatlar boshliqlari kengashining majlisi
48	Eron	09-11.06.2000	Iqtisodiy hamkorlik tashkiloti sammiti
47	Hindiston	03.05.2000	oʻzaro hamkorlik
46	Rossiya	24-25.01.2000	Mustaqil Davlatlar hamdo‘stligiga aʼzo mamlakatlar rahbarlarining sammiti
45	Turkiya	18-19.11.1999	Yevropada xavfsizlik va hamkorlik bo‘yicha sammit
44	Xitoy	08-09.11.1999	oʻzaro hamkorlik
43	AQSh	23-25.04.1999	oʻzaro hamkorlik, NATOning 50 yilligi, Yevroatlantik sheriklik kengashi majlisi
42	Rossiya	02.04.1999	oʻzaro hamkorlik, MDH sammiti
41	Fransiya	06.11.1998	oʻzaro hamkorlik, UNESCO Ijroiya kengashi 155-sessiyasining yakunlovchi majlisi
40	Turkiya	29.10.1998	mamlakat Respublika deb eʼlon qilinganligining 75 yilligi
39	Isroil	14-16.09.1998	oʻzaro hamkorlik
38	Ozarbayjon	08.09.1998	oʻzaro hamkorlik
37	Qozogʻiston	10.06.1998	Ostona shahri
36	Rossiya	05-07.05.1998	oʻzaro hamkorlik
35	Rossiya	28-29.04.1998	MDH majlisi
34	AQSh	05.02.1998	Solijon Sharipovni kutib olish
33	Turkmaniston	05.01.1998	Markaziy Osiyo sammiti
32	Turkmaniston	14.05.1997	Iqtisodiy hamkorlik tashkiloti (IHT) sammiti
31	Portugaliya	02-03.12.1996	Yevropa xavfsizlik va hamkorlik tashkiloti sammiti
30	AQSh	23-28.06.1996	oʻzaro hamkorlik
29	Italiya	20-21.06.1996	oʻzaro hamkorlik
28	Fransiya	21-24.04.1996	oʻzaro hamkorlik, Amir Temur 660 yilligi
27	Shveytsariya	06.02.1996	Xalqaro Olimpiya Qoʻmitasi majlisi
26	Rossiya	19.01.1996	MDH majlisi
25	AQSh	22-24.10.1995	BMT majlisi
24	Qirgʻiziston	28.08.1995	Turkiy Kengash
23	Rossiya	08-10.05.1995	Ikkinchi jahon urushidagi gʻalabaning 50 yilligi
22	Koreya Respublikasi	15-17.02.1995	oʻzaro hamkorlik
21	Shveytsariya	01.02.1995	Butunjahon iqtisodiy anjumani
20	Mojariston	05.12.1994	oʻzaro hamkorlik
19	Xitoy	24-26.10.1994	oʻzaro hamkorlik
18	Yaponiya	16-19.05.1994	oʻzaro hamkorlik
17	Shveytsariya	27-31.01.1994	Butunjahon iqtisodiy anjumani
16	Qirgʻiziston	16.01.1994	oʻzaro hamkorlik
15	Hindiston	03-05.01.1994	oʻzaro hamkorlik
14	Birlashgan Qirollik	22-25.11.1993	oʻzaro hamkorlik
13	Fransiya	27-30.10.1993	MDH sammiti
12	AQSh	26-28.09.1993	BMT sammiti
11	Rossiya	06.08.1993	MDH sammiti
10	Turkiya	06.07.1993	oʻzaro hamkorlik, Iqtisodiy hamkorlik tashkiloti sammiti
9	Shveytsariya	28.01.1993	Butunjahon iqtisodiy anjumani
8	Belarus	22.01.1993	MDH sammiti
7	Finlandiya	10.07.1992	Yevropa xavfsizlik va hamkorlik tashkiloti sammiti
6	Turkiya	29.05.1992	oʻzaro hamkorlik
5	Saudiya Arabistoni	11-13.04.1992	oʻzaro hamkorlik
4	Finlandiya	26.02.1992	Yevropada Xavfsizlik Va Hamkorlik Kengashining Yakunlovchi Hujjati
3	Shveytsariya	02.02.1992	Butunjahon iqtisodiy anjumani
2	Turkmaniston	14.12.1991	oʻzaro hamkorlik
1	Rossiya	29.10.1991	oʻzaro hamkorlik

Mukofotlari

O‘zbekiston Respublikasining Birinchi Prezidenti Islom Abdug‘aniyevich Karimovning davlat mukofotlari.

Oʻzbekiston

#	Mukofot	Sanasi	Sabab
1	"O‘zbekiston Qahramoni" unvoni, „Oltin Yulduz“ medali	05.05.1994	O‘zbekiston Respublikasi Oliy Kengashining 1048-XP-qarori asosida
2	"Mustaqillik" ordeni	29.08.1996 yil	O‘zbekiston Respublikasi Oliy Majlisining 269-I-qarori asosida
3	"Amir Temur" ordeni	26.12.1997 yil	O‘zbekiston Respublikasi Oliy Majlisining qarori asosida

Sovet davridagi davlat mukofotlari

#	Mukofot	Sanasi	Sabab
1	"Mehnat Qizil bayroq" ordeni	12.06.1981 yil	SSSR Oliy Kengashi Prezidiumining 5057-X-farmoni asosida
2	"Xalqlar do‘stligi" ordeni	29.01.1988 yil	SSSR Oliy Kengashi Prezidiumining 8409-XI -farmoni asosida

Chet el davlatlari mukofotlari va faxriy unvonlari

#	Davlat/Tashkilot va uning mukofoti	Sanasi
1	Seuldagi Sogang universiteti (Koreya Respublikasi) Faxriy fan doktori	1992 yil, iyun
2	Al-Azhar universiteti (Misr) Faxriy doktor	1992 yil, dekabr
3	Jawaharlal Neru nomidagi universitet (Hindiston) Faxriy huquq doktori	1994 yil, yanvar
4	"Ruhoniyat" maʼnaviyatni qayta tiklashga ko‘maklashish assotsiatsiyasi (Qirg‘iziston) „Xalqlar o‘rtasida tinchlik va totuvlik uchun“ medali va diplomi	1994 yil, yanvar
5	Koreya Respublikasi Hukumati Katta „Mugunxva 2“ ordeni	1995 yil, fevral
6	Yevroosiyo xalqaro kikboksing federatsiyasi Xotira kubogi	1995 yil, mart
7	Xalqaro fan, sanoat, taʼlim va sanʼat akademiyasi (AQSh) Akademiya faxriy aʼzosi	1996 yil, yanvar
8	Xalqaro olimpiya qo‘mitasi Oltin medal	1996 yil, fevral
9	UNESCO „Avitsenna“ oltin medali	1996 yil, aprel
10	Boku davlat universiteti (Ozarbayjon) Faxriy doktor	1996 yil, may
11	Osiyo Olimpiya kengashi Oltin medal	1997 yil, may
12	Qozog‘iston Respublikasi „Altin kiran“ („Oltin burgut“) ordeni	1997 yil, iyun
13	G. Plexanov nomidagi Rossiya iqdisodiyot akademiyasi (Rossiya) Faxriy fan doktori	1998 yil, yanvar
14	Rus pravoslav cherkovi nomidan Toshkent va O‘rta Osiyo Yeparxiyasi I darajali Knyaz Daniil ordeni	1998 yil, fevral
15	Ukraina Respublikasi I darajali «Yaroslav Mudriy» ordeni	1998 yil, fevral
16	Aviatsiya va havoda suzish fanlari akademiyasi (Rossiya) Akademiki	1998 yil, dekabr
17	Fanlar oliy maktabi xalqaro akademiyasi (Rossiya) Akademik	1999 yil, may
18	Xalqaro havaskorlar kurash assotsiatsiyasi Oltin zanjir	1999 yil, may
19	Kurash bo‘yicha I xalqaro turnir (Rossiya) Kubok	1999 yil, sentyabr
20	"Ey-Ti-Pi" (Professional tennischilar assotsiatsiyasi) Billur raketka	1999 yil, sentyabr
21	"Fontis" universiteti (Niderlandiya) Faxriy doktor	2000 yil, sentyabr
22	O‘zbek kurashi bo‘yicha xalqaro turnir (Rossiya) Kubok	2000 yil, oktyabr
23	M. Lomonosov nomidagi Moskva davlat universiteti (Rossiya) Faxriy professor	2001 yil, yanvar
24	Milliy olimpiya qo‘mitalari assotsiatsiyasi „Besh qitʼa belgisi“ oltin ordeni	2001 yil, iyul
25	"Ey-Ti-Pi" (Professional tennischilar assotsiatsiyasi) Billur globus	2001 yil, sentyabr
26	Merilend universiteti (AQSh) Faxriy yorliq va oltin medal	2002 yil, mart
27	Yahudiylar milliy markazi (AQSh) Terrorizmga qarshi kurashdagi ulkan hissasi uchun „Xalqaro yetakchi“ mukofoti	2002 yil, mart
28	Amerika — O‘zbekiston savdo palatasi (AQSh) Davlatni boshqarish sohasidagi xizmatlar eʼtirofi mukofoti	2002 yil, mart
29	Xalqaro kurash assotsiatsiyasi Oltin orden	2002 yil, aprel
30	Vaseda universiteti (Yaponiya) Faxriy huquq doktori	2002 yil, iyul
31	Alkada de Enares universiteti (Ispaniya) „Sisneros“ medali va faxriy diplom	2002 yil, avgust
32	Litva Respublikasi Buyuk Vitautas ordeni	2002 yil, sentyabr
33	Budapesht shahri meriyasi (Vengriya) Budapesht shahri „Oltin kalit“i	2002 yil, oktyabr
34	Soka universiteti (Yaponiya) Faxriy doktor	2002 yil, dekabr
35	Ispaniya qiroli „Fuqarolik xizmatlari uchun“ ordeni	2003 yil, yanvar
36	Ispaniya Senati Medal va Ispaniya Konstitutsiyasining 1978 yilgi nusxasi	2003 yil, yanvar
37	Madrid shahar meriyasi (Ispaniya) Madrid shahri „Oltin kalit“i	2003 yil, yanvar
38	Sorbonna universiteti, Parij-Syud universiteti (Frantsiya) Prezidentlik faoliyati uchun faxriy diplomi	2003 yil, yanvar
39	"Andrey Pervozvanniy" fondi (Rossiya) „Andrey Pervozvanniy“ oltin ordeni	2003 yil, may
40	Polsha Respublikasi „Xizmatlari uchun“ I darajali ordeni	2003 yil, iyul
41	Gruziya Respublikasi „Zolotoye runo“ ordeni	2003 yil, oktyabr
42	Bolgariya Respublikasi „Stara Planina“ ordeni	2003 yil, noyabr
43	"Rossiya kon sanoatchilari" konchilik fanlari akademiyasi (Rossiya) Konchilik fanlari akademiyasining faxriy aʼzosi, „Rossiya konchisi“ oltin belgisi	2004 yil, fevral
44	T. Shevchenko nomidagi Kiev milliy universiteti (Ukraina) Universitet faxriy doktori	2004 yil, aprel
45	Xalqaro mukofotlar fondi (Latviya) „Karomatgo‘y muqaddas Nikolay“ oltin ordeni	2004 yil, aprel
46	Seul shahri meriyasi (Koreya Respublikasi) Seul shahri faxriy fuqarosi	2006 yil, mart
47	UNESCO „Borobodur“ oltin medali	2006 yil, sentyabr
48	YuNESKO „Aristotel“ oltin medali	2007 yil, avgust
49	YuNESKO „Buyuk ipak yo‘li“ oltin medali	2007 yil, oktyabr
50	Turkmaniston „Xormatli il yashulusi“ faxriy unvoni	2008 yil, oktyabr
51	Latviya Respublikasi „Uch yulduz“ ordeni	2008 yil, oktyabr
52	Amerika — O‘zbekiston savdo palatasi (AQSh) O‘zbekiston Respublikasini davlat tomonidan samarali boshqariladigan bozor iqdisodiyotiga barqaror o‘zgartirishni taʼminlaganlik uchun faxriy mukofoti	2011 yil, fevral
53	Amerika — O‘zbekiston savdo palatasi (AQSh) Do‘stlikni mustahkamlashga qo‘shgan hissasi uchun" mukofoti	2012 yil, avgust
54	G. Plexanov nomidagi Rossiya iqdisodiyot universiteti „Universitet oldidagi xizmatlari uchun“ faxriy ko‘krak nishoni	2013 yil, yanvar
55	Serbiya Respublikasi II darajali „Serbiya Respublikasi ordeni“	2013 yil, fevral
56	Latviya Respublikasi „Eʼtirof xochi“ ordeni	2013 yil, oktyabr
57	Gruziya Respublikasi „Jasorat“ ordeni	2013 yil, oktyabr
58	Turkmaniston Mahtumquli nomidagi xalqaro mukofot	2014 yil, oktyabr
59	"Natsistlarga qarshi urush jangchilari va partizan-nogironlari ittifoqi" tashkiloti (Isroil) „II jahon urushida fashizm ustidan qozonilgan g‘alabaning 70 yilligi“ yubiley medali	2015 yil, mart
60	Xalqaro olimpiya qo‘mitasi „Sport va Olimpiya harakatini rivojlantirishga qo‘shgan ulkan hissasi uchun“ medali	2015 yil, iyun
61	Osiyo milliy olimpiya qo‘mitalari assotsiatsiyasi va Osiyo olimpiya kengashi O‘zbekiston va Osiyoda futbolni rivojlantirishga qo‘shgan ulkan hissasi uchun Osiyo olimpiya kengashi mukofoti	2015 yil, iyun
62	Xalqaro havaskor bokschilar uyushmasi (AIBA) „Xizmatlari uchun“ ordeni	2015 yil, iyul

Vafoti

Asosiy maqola: Islom Karimov vafoti

Oʻzbekistonning birinchi prezidenti Islom Karimov 2016-yil 2-sentabrida Toshkent vaqti bilan soat 20:55 da Toshkent shahrida bosh miyada qayta tiklanmaydigan oʻzgarishlarga va poliorgan yetishmovchiligiga olib kelgan miya qon aylanishining oʻtkir buzilishi (insult) oqibatida vafot etdi.

Oilasi

• Otasi — Abdugʻani Karimov, Samarqand shahridagi fabrikada ishchi boʻlgan.
• Onasi — Sanobar Karimova, Samarqand shahridagi fabrikada ishchi boʻlgan.
• 1965-yilda millati ukrain boʻlgan Natalya Petrovna Kuchmaga uylangan. 1970-yilda ajrashgan. Bu nikohdan Pyor ismli oʻgʻli bor.
• Akasi — Karimov Ibod Gʻaniyevich, professor.
• Akasi — Karimov Quddus Gʻaniyevich, professor.
• 1971-yildan Tatyana Akbarovna Karimova bilan nikohda.
• Qizi — Gulnora Karimova, diplomat. 2015-yilda moliyaviy jinoyatlarda ayblanib, 5 yilga qamalgan. Turmush oʻrtogʻi Mansur Maqsudiy, tadbirkor. 2 nafar farzandi bor: oʻgʻli Islom va qizi Imon.
• Qizi — Lola Karimova-Tillayeva, diplomat. Oʻzbekistonning UNESCOdagi doimiy vakili sifatida ishlagan. Turmush oʻrtogʻi — Tillayev Timur Hakimovich, tadbirkor. 3 nafar farzandi bor: oʻgʻli Umar, qizlari Maryam va Safiya.

Xotirasi

Oʻzbekiston Respublikasi prezidenti Shavkat Mirziyoyevning 2017-yil 25-yanvardagi qaroriga asosan, quyidagilar:

• 2016-yil oktabr oyida Islom Karimov nomidagi Respublika xayriya jamoat fondi tuzildi;
• Toshkent shahri, Yashnobod tumanining Farg‘ona yo‘li ko‘chasida joylashgan jome masjidga „Islom ota jomeʻ masjidi“ deb nom berildi;

Shuningdek:

• O‘zbekiston Respublikasining Birinchi Prezidenti Islom Abdug‘aniyevich Karimov siymosi tasvirlangan haykalni yaratish bo‘yicha xalqaro ijodiy tanlovni tashkil etish to‘g‘risida"gi qaror qabul qilindi.
• Vazirlar Mahkamasi tomonidan O‘zbekiston Respublikasining Birinchi Prezidenti Islom Karimovning xotirasini abadiylashtirish chora-tadbirlari rejasini o‘rnatilgan tartibda ishlab chiqildi.

Shu munosabat bilan:

• Samarqand shahrida Islom Karimov dafn etilgan hududda yodgorlik majmuasini barpo etish;
• O‘zbekiston Respublikasining Birinchi Prezidenti Islom Abdug‘aniyevich Karimov siymosini yaratish bo‘yicha xalqaro ijodiy tanlovda g‘olib deb topilgan haykallarni Toshkent shahrida, Samarqand shahrida va u kishi birinchi rahbar bo‘lib ishlagan Qashqadaryo viloyatining Qarshi shahrida o‘rnatish;
• Toshkent shahridagi Oqsaroy qarorgohida Islom Karimov nomidagi ilmiy-maʼrifiy yodgorlik majmuasini tashkil etish va Islom Karimov nomidagi Respublika xayriya jamoat fondini ham ushbu manzil bo‘yicha joylashtirish;
• Samarqand shahrida Islom Karimov muzeyini tashkil etish;

Quyidagi muassasa va obyektlarga:

• Toshkent davlat texnika universitetiga;
• Asakadagi avtomobil zavodiga;
• Farg‘ona shahridagi Sanʼat saroyiga;
• Toshkent xalqaro aeroportiga;
• Qoraqalpog‘iston Respublikasi, Toshkent shahri va viloyatlardagi markaziy ko‘chalarga (mahalliy davlat hokimiyati organlari takliflari asosida) Islom Karimov nomini berish;
• har yili 30-yanvar kunini keng nishonlash, 2-sentabr kunini Xotira kuni sifatida yod etish;
• oliy o‘quv yurtlari talabalari uchun Islom Karimov nomidagi davlat stipendiyasini joriy etish;
• Islom Karimovning hayoti va faoliyati haqida ilmiy va badiiy asarlar, hujjatli va badiiy filmlar yaratish;
• Islom Karimov siymosi aks ettirilgan maxsus pochta markalarini chiqarish haqida koʻrsatmalar berildi.

2018-yil 17-oktyabrda Moskva shahridagi Oʻzbekiston elchixonasi yonida, Islom Karimov nomli xiyobon tashkil etilib, uning markazida Karimovning haykali oʻrnatildi

Adabiyot

• Eʼtirof (oʻzbek, ingliz, rus tillarida), T., 1995;
• Oʻzbekistonning yangi tarixi, 3-j. (Mustaqil Oʻzbekiston tarixi), T., 2000;
• Islom Karimov — Oʻzbekiston Respublikasining birinchi Prezidenti (fotoalbom; oʻzbek, ingliz, rus tillarida), T., 1998;
• Levitin L., Karlayl D. S, Islom Karimov — yangi Oʻzbekistan Prezidenti, T., 1996;
• Levitin L., Uzbekistan na istoricheskom povorote, M., 2001;
• Seriya vojdi narodov — XX vek, M., 1996;
• Murod Sharifxoʻjayev. Formirovanie otkritogo grajdanskogo obщestva v Uzbekistane, T., 2002;
• Amerikaga tashrif — Vizit v Ameriku, T., 2002.

Havolalar

• Islom Karimov tarjimai holi www.press-service.uz