Innovatsion rivojlanish agentligi
Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi – Oʻzbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirishga, mamlakatning intellektual va texnologik salohiyatini oshirish bilan shugʻullanuvchi tashkilot.
 Innovatsion rivojlanish agentligi binosi | |
 | |
| Turi | Davlat boshqaruv idorasi |
|---|---|
| Maqomi | Amalda |
| Ishga tushgan sanasi |
24-dekabr, 2022-yil |
| Joylashuvi | Toshkent shahri, Universitet koʻchasi, 7-uy |
| Hududiy xizmati |
 Oʻzbekiston |
| Direktori | Rajabbayev Sharof Raximberdiyevich |
| Vebsayti | innovation.gov.uz |
| Til(lar)i | oʻzbek, rus |
 | |
Tarixi tahrir
Oʻzbekiston Respublikasi Prezidenti Shavkat Mirziyoyevning 2017-yil 29-noyabrdagi farmoni[1] va 2017-yil 30-noyabrdagi qaroriga[2] muvofiq Oʻzbekiston Respublikasi Innovatsion rivojlanish vazirligi tashkil etilgan.
2022-yil 21-dekabrdagi Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisidagi prezident farmoniga[3] muvofiq Innovatsion rivojlanish vazirligi Oʻzbekiston Respublikasi Oliy va oʻrta maxsus taʼlim vazirligi bilan birlashtirilib Oʻzbekiston Respublikasi Oliy taʼlim, fan va innovatsiyalar vazirligi tashkil etilgan[4].
Shuningdek ushbu farmon[3] asosida 2022-yil 24-dekabr sanasidan Oliy taʼlim, fan va innovatsiyalar vazirligi huzurida Innovatsion rivojlanish agentligi oʻz faoliyatini boshlagan[4].
Agentlik vazifalari tahrir
- Oʻzbekiston Respublikasini innovatsion va ilmiy-texnik rivojlantirish sohasida jamiyat va davlat hayotini har tomonlama rivojlantirishga, mamlakatning intellektual va texnologik salohiyatini oshirishga qaratilgan amaliy chora-tadbirlarni amalga oshiradi.
- Uzoq muddatli ssenariylar asosida ustuvor soha va tarmoqlarga ilm-fan yutuqlarini tatbiq etish va mamlakatning innovatsion rivojlantirishning strategiyasini ishlab chiqish.
- Hududlarning intellektual va texnologik salohiyatini oshirish, ilmiy va innovatsion faoliyat uchun zamonaviy infratuzilmalarni shakllantirish.
- Ilmiy faoliyatga oid davlat dasturlarini ishlab chiqish, tasdiqlash va ularning ijrosini nazorat qilish.
- Ilmiy darajali kadrlar tayyorlash tizimini muvofiqlashtirish.
- Yoshlarni ilmiy va innovatsion faoliyatga jalb etishning samarali mexanizmlarini joriy qilish va ular tashabbuslarini har tomonlama qoʻllab-quvvatlash.
- Ilmiy va innovatsion loyihalarni amalga oshirishda investitsiyalarni jalb etish, xususiy sektor faolligini oshirish va venchurga asoslangan moliyalashtirishni rivojlantirish.
- Innovatsion ishlanmalar asosida amalga oshiriladigan loyihalarning moliyaviy, iqtisodiy va texnik ekspertizasini oʻtkazish va intellektual mulk obyektlarini tatbiq etish uchun zarur sharoitlarni taʼminlash.
- Iqtisodiyotning real sektori va ishlab chiqarish tarmoqlarining ilmiy ishlanma va innovatsiyalarga boʻlgan ehtiyojlarini aniqlash hamda tarmoq ilmiy-tadqiqotlar ishlarini rivojlantirish asosida ilm-fan va ishlab chiqarish integratsiyasini mustahkamlash.
- Yangi ishlanmalarni tijoratlashtirish va ishlab chiqarishga joriy etish, startap loyihalarini amalga oshirish, intellektual mulk qatnashadigan yangi tashkilotlarni shakllantirish va ratsionalizatorlik faoliyatini rivojlantirish uchun zarur shart-sharoit yaratish.
- Ilm-fan va innovatsiyalar sohasida xalqaro aloqalarni kengaytirish hamda mustahkamlash, innovatsiyalar va texnologiyalar transferi boʻyicha chora-tadbirlarni amalga oshirish.[5]
Manbalar tahrir
- ↑ „Oʻzbekiston Respublikasi Prezidentining 2017-yil 29-noyabrdagi farmoni“ (2017-yil 29-noyabr). Qaraldi: 2024-yil 14-mart.
- ↑ „Oʻzbekiston Respublikasi Prezidentining 2017-yil 30-noyabrdagi qarori“ (2017-yil 30-noyabr). Qaraldi: 2024-yil 14-mart.
- ↑ 3,0 3,1 „2022-yil 21-dekabrdagi Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisidagi prezident farmoniga“ (2022-yil 22-dekabr). Qaraldi: 2024-yil 14-mart.
- ↑ 4,0 4,1 „2022-yil 21-dekabrdagi Oliy va o‘rta maxsus ta’lim vazirligi negizida Oliy ta’lim, fan va innovatsiyalar vazirligi tashkil etilmoqda“ (2022-yil 24-dekabr). Qaraldi: 2024-yil 14-mart.
- ↑ „Agentlik haqida“. Qaraldi: 2024-yil 14-mart.