International House Tashkent akademik litseyi

International House Tashkent akademik litseyi
Xalqaro nomi	International House Tashkent academic lyceum under TIIAME National Research University
Shiori	Biz maktab uchun emas, balki hayot uchun oʻqiymiz
Turi	Akademik litsey
Asos solingan sanasi	1994
Rektori	Tillaev Alisher Xasanovich
Fakultetlar	5
Manzili	Qori Niyoziy koʻchasi 39, Toshkent shahri
Veb-sayti	[http://iht.uz/uz/glavnaya-uz

International House-Tashkent — Toshkent shahridagi akademik litseylardan biri.

Tarixi

1993-2017-yillar

1993-yil akademik litseyni tashkil etish uchun Oʻzbekiston Respublikasi Qishloq va suv xoʻjalligi vazirligi mablagʻ ajratdi. Akademik litsey London va M. Lomonosov nomidagi Moskva davlat universiteti tomonidan oʻquv-uslubiy qoʻllanmalar bilan taʼminlandi. 1994-yilda „International House-Tashkent“ akademik litseyi Oʻzbekiston Respublikasida hozirgi zamon talablari, taʼlim tizimini qayta tashkil etish talabalaridan kelib chiqqan holda yangi taʼlim muassasasi sifatida paydo boʻldi. U 1994-yildan 2007-yilgacha 13 yil Oʻzbekiston Respublikasi Xalq taʼlimi tizimida 9-11 sinflar kesimida faoliyat olib bordi. 2007-yilda Oʻzbekiston Respublikasi Oliy va Oʻrta maxsus taʼlim vazirligi, Oʻrta maxsus kasb-hunar taʼlimi Markazining 2007-yil 11-maydagi 10-sonli hamda Oʻzbekiston Respublikasi Qishloq va suv xoʻjaligi vazirligining qoʻshma buyrugʻi asosida akademik litsey tashkil etildi va unga TIMI qoshidagi „International House-Tashkent“ akademik litseyi nomi berildi^[3].

International_House-Tashkent oʻquv binosi

1995-yil „International House-Tashkent“ akademik litseyi birinchi bitiruvchilari 75 nafarni tashkil etdi va bitiruvchilarning 25 nafari Angliya, AQSH va Fransiyada oʻqishni davom ettirdi. 1994-2008-yillarda ikki mingga yaqin oʻquvchi akademik litseyni tamomladi.

1998-yilda Chexiyaning Oʻzbekistondagi elchisi Berdjixa Kopetski va Chexiyaning Leona Gumilkaning gimnaziyasi bilan hamkorlikda Brno shahridagi Eko-Gimnaziyada hamkorlik shartnomasi tuzildi hamda litsey oʻqituvchi-xodimlari va oʻquvchilari bilan birgalikda Chexiya Respublikasiga tashriflar amalga oshirildi. Bundan tashqari 1988-yilda OBCE ning media rahbari Fraymut Duv tomonidan akademik litseyga mustaqil ravishda gazeta ishlab chiqarish uchun sertifikat berildi.

Oʻzbekiston Respublikasi Prezidentining 2017-yil 26-sentabrdagi „Oʻrta maxsus, kasb-hunar taʼlimi muassasalari faoliyatini yanada takomillashtirish chora- tadbirlari“ toʻgrisidagi PK-3290-son qaroriga asosan TIMI qoshidagi „International House-Tashkent“ akademik litseyi, TIQXMMI ning „International House-Tashkent“ akademik litseyi boʻlib faoliyat yurita boshladi va oʻqishda taʼlim olish ikki yil etib belgilandi^[4].

Oʻzgarishlar

Tillayev Alisher Xasanovich 2015-yildan boshlab akademik litseyga direktor etib tayinlandi.

Ushbu davr mobaynida akademik litsey 2017-yil aprel oyida Buyuk Britaniyaning London universiteti bilan hamkorlikda oʻqituvchi-xodimlar va oʻquvchilarni malaka oshirish kurslariga Londonga yubordi. 2017-yil oktabr oyida „Huawei“ kompaniyasi bilan hamkorlikda Oʻzbekiston Respublikasida ilk bora "Smart class" sinfi tashkil etildi, 2018-yil dekabr oyida Moskva Davlat xalqaro munosabatlar instituti (MGIMO, MID Rossiya) bilan hamkorlik shartnomasi imzolandi va 2019-yil aprel oyida MDH davlatlari orasida analogi mavjud boʻlmagan ikki tomonlama diplom berish toʻgʻrisida MGIMO yoʻnalishlarini ochish haqida kelishib olindi. Bundan tashqari 2019-yilda Buyuk Britaniya universiteti, Rossiyaning Aviatsiya universiteti, Janubiy Koreya universitetlari bilan hamkorlik shartnomalari imzolandi. 2019-yil iyun oyida Rossiyaning NIU VSHE universiteti va shu yili iyul oyida Rossiyaning MGSI universitetlari bilan hamkorlik shartnomasi tuzilib, akademik litsey oʻqituvchi-xodimlari va oʻquvchilari malaka oshirish kurslariga yuborildi.

Bugungi kunda

International_House-Tahkent Studentʼs Coworking Space

2009-yildan boshlab akademik litsey quvvati 495 oʻrinli, umumiy maydoni 6890 kv.mdan iborat boʻlib, oʻquv binosida 21 ta oʻquv xonalari: jumladan 1 tadan kimyo, fizika, biologiya labaratoriyasi, 2 ta kompyuter, 2 ta lingafon xonalari, 150 oʻringa moʻljallangan anjumanlar zali, 100 oʻrinli sport zal va 8690 dan ziyod kitob zaxirasiga ega boʻlgan kutubxona mavjud.

Akademik litseyda hozirgi kunda „Aniq fanlar-iqtisod“; „Aniq fanlar-texnika“; „Ijtimoiy-gumanitar“ va 2 ta MGIMO sinflari yoʻnalishi mavjud. Akademik litseyda jami 20 ta guruh mavjud va har yili umumiy hisobda 500 dan ortiq oʻquvchilarni sigʻdira oladi.

Qabul

Yoʻnalishlar boʻyicha imtihonlar ikki bosqichda oʻtkaziladi:

Birinchi bosqich- yozma (ogʻzaki himoya)
Ikkinchi bosqich — test sinovlari

Imtihonlar yoʻnalishlar boʻyicha quyidagi fanlardan iborat^[5]

Aniq fanlar-iqtisod (oʻzbek guruhlarida)

Matematika
Ingliz tili
Ona tili va adabiyot

Aniq fanlar-iqtisod (rus guruhlarida)

Matematika
Ingliz tili
Rus tili va adabiyot

Aniq fanlar-texnika (oʻzbek guruhlarida)

Fizika
Matematika
Ona tili va adabiyot

Aniq fanlar-texnika (rus guruhlarida)

Fizika
Matematika
Rus tili va adabiyot

Ijtimoiy-gumanitar fanlar (rus guruhlarida)

Tarix
Ingliz tili
Rus tili va adabiyot

MGIMO sinflari (rus guruhlarida)

Matemtika
Ingliz tili
Rus tili

Manbalar

↑ „TIIAME“. tiiame.uz. Qaraldi: 5-iyun 2022-yil.
↑ „Alisher Tillayev Xasanovich“ (ruscha). mgimo.ru. Qaraldi: 5-iyun 2022-yil.
↑ „International House-Tashkent tarixi“. iht.uz. Qaraldi: 5-iyun 2022-yil.
↑ „Prezident qarori“. lex.uz. Qaraldi: 5-iyun 2022-yil.
↑ „International House-Tashkent kirish imtihonlari“. iht.uz. Qaraldi: 6-iyun 2022-yil.

Havolalar

Rasmiy veb-sayti^{[sayt ishlamaydi]}

[1] „TIIAME“. tiiame.uz. Qaraldi: 5-iyun 2022-yil.

[2] „Alisher Tillayev Xasanovich“ (ruscha). mgimo.ru. Qaraldi: 5-iyun 2022-yil.

[IHT-3] „International House-Tashkent tarixi“. iht.uz. Qaraldi: 5-iyun 2022-yil.

[4] „Prezident qarori“. lex.uz. Qaraldi: 5-iyun 2022-yil.

[5] „International House-Tashkent kirish imtihonlari“. iht.uz. Qaraldi: 6-iyun 2022-yil.

[1]

[2]

[3]

[4]

[5]