Iordan (tarixchi)

Iordan (485—?) — tarixchi. Asli ostgotlardan boʻlgan. 505—536 yillarda Vizantiyaning yirik sarkardasi Guntigis Baza huzurida kotib boʻlib ishlagan. I.ning mashhur "Getika" ("Getlarning kelib chiqishi va faoliyati") (551-y.) asarida Sharqiy Yevropa, Qora dengizning shim. qirgʻoqlarida 4—6-asrlarda yashagan got, bir qator turkiy, slavyan qabilalari toʻgʻrisida qimmatli maʼlumotlar berilgan. Ayniqsa, gun-nlar, kuturgʻurlar, uturgʻurlar va b. turkiy qabilalar, ularning kelib chiqi-shi, tarixi toʻgʻrisida maʼlumotlar eʼtiborga sazovor.