Isʼhoq as-Saffor

(Abu Nasr) Isʼhoq ibn Ahmad ibn Shiys ibn Nasr ibn al-Hakam al-Adib as-Saffor al-Buxoriy (hijriy 405-yil (milodiy 1014-yil)da Toifda vafot etgan) Buxoro ahlidan bo‘lgan yirik faqih, arab tili bo‘yicha taniqli olim va shoir. Uning ilm haqidagi baytlari (sheʼrlari) Buxoroda hozirgacha o‘qiladi. Ilmning turli sohalariga oid hadislarni o‘rgangan. U Makkada uzoq muddat yashagan va ko‘p asarlarini shu shaharda yaratgan. Uning ilmi Makkada keng tarqalgan edi. U ulamolardan, ulamolar ham undan hadis rivoyat qilganlar.

Isʼhoq as-Saffor
Shaxsiy maʼlumotlar
Vafoti	milodiy 1014-yil (hijriy 405-yil)
Dini	Islom
Tanilgan sohasi	olim va shoir

Asarlari

• „al-Madxal ila Sibavayh“ („Sibavayh nahviga kirish“);
• „al-Madxalas-sag‘iyr fi-n-nahv“ („Nahv ilmiga oid ixcham kirish“);
• „ar-Raʼd alahamza fi hudusi-t-tasqiyf“ („Talaffuzda hijolar sodir bo‘lishi haqida hamzaga raddiya“).