Isabel Fernández
María Isabel Fernández Gutiérrez (talaffuzi: Mariya Isabel Fernandes Gutyerres; 1972-yil 1-fevral, Alicante, Ispaniya[1]) — ispan dzyudochisi, 2000-yilgi yozgi Olimpiada oʻyinlari gʻolibi, 1996-yilgi yozgi Olimpiada oʻyinlarining bronza medali sovrindori, dzyudo boʻyicha jahon chempioni, 4 karra Yevropa chempioni[2].
| Isabel Fernández | |
|---|---|
| Shaxsiy maʼlumotlari | |
| Jinsi | Ayol |
| Fuqaroligi |
 Ispaniya |
| Tavallud sanasi |
1-fevral 1972-yil Alicante, Ispaniya |
| Boʻyi | 159 sm |
| Vazni | 57 kg |
| Sport | |
| Klubi | Judo Club Alicante |
| Professional faoliyat | |
| Havaskor faoliyat | |
Hayoti
tahrirIsabel Fernándezning faoliyatidagi birinchi muvaffaqiyati 1988-yilda dzyudo boʻyicha oʻsmirlar oʻrtasidagi Yevropa chempionatida olgan bronza medali boʻlgan. Kattalar oʻrtasidagi debyuti 1995-yilda Birmingemdagi Yevropa chempionatida boʻlib oʻtgan. Unda Isabel 56 kg gacha vazn toifasida ishtirok etib, kutilmaganda Nicola Fairbrotherga yutqazib qoʻygan va kumush medal sohibiga aylangan. Keyinchalik Isabel har yili qitʼa chempionati gʻolibiga aylandi (2000 va 2001-yillar bundan mustasno). Ispaniyalik sportchi hisobida 4 ta oltin, 4 ta kumush va 4 ta bronza medallar bor.
1995-yilda Isabel jahon chempionatida debyut qilgan. Tokiodagi musobaqada Isabel bronza medali uchun bahsda magʻlub boʻlib, 5-oʻrinni egallagan.
1996-yilda Isabel oʻzining birinchi Olimpiada oʻyinlarida ishtirok etdi. 56 kggacha boʻlgan vazn toifasida yarim finalda Isabel koreyalik Jung Sun-yongga yutqazib qoʻygan. Shundan keyin Isabel britaniyalik Nicola Fairbrother bilan uchinchi oʻrin uchun kurash olib borgan. Isabel raqibini magʻlub qilib, bronza medalini qoʻlga kiritgan[3].
Bir yil oʻtgach, Parijdagi jahon chempionatida Isabel finalda Atlanta Olimpiadasi chempioni kubalik Driulis Gonzálezni magʻlub etib, oʻzining birinchi oltin medalini qoʻlga kiritdi[1]. 1999-yilda Birmingemda boʻlib oʻtgan jahon chempionatida yangi vazn toifasida Parij chempionatining finali takrorlandi. Ammo bu safar kubalik sportchi kuchliroq boʻlib chiqib, Isabelni magʻlub qilgan.
2000-yilda Sidneyda boʻlib oʻtgan Olimpiada oʻyinlarida Izabel juda qiyinchilik bilan finalga chiqishga muvaffaq boʻlgan va u yerda yana Driulis Gonzálezga qarshi kurashga chiqqan. Kurash juda shiddatli boʻlgan, ammo yakunda hakamlar ispaniyalik sportchining gʻalabasini qayd etishgan[2].
Isabel jahon chempionatlarida yana ikki karra sovrindor boʻlishga muvaffaq boʻlgan. 2001-yilda Myunxendagi jahon chempionatida ispaniyalik dzyudochi bronza medali sohibiga aylandi, 2007-yilda Rio-de-Janeyrodagi chempionat finalida Shimoliy Koreya sportchisi Sun Hui Kyega yutqazib, ikkinchi oʻrinni egallagan.
2004-yilgi Yozgi Olimpiada oʻyinlarida ochilish marosimida Ispaniya terma jamoasi bayrogʻini koʻtarish huquqi Isabelga ishonib topshirilgan. Musobaqaning oʻzida Fernandes birinchi bahsdayoq oʻtgan yilgi jahon chempionatining kumush medali sovrindori, germaniyalik Yvonne Bönisch bilan toʻqnash kelgan. Ispaniyalik boʻlajak Olimpiada chempioniga qarshi hech narsa qila olmagan. Uchinchi oʻrin uchun boʻlgan uchta saralash bosqichi oʻtgan Isabel bronza medali uchun boʻlgan bahsda kubalik Yurisleidy Lupetey bilan kurashgan. Kuchli bahsda kubalik sportchi kuchliroq chiqqan boʻlib, bronza medalini qoʻlga kiritgan.
2008-yilgi Yozgi Olimpiya oʻyinlari 36 yoshli ispaniyalik sportchi uchun toʻrtinchisi boʻlgan. Ammo Isabel boshqa Olimpiada medalini qoʻlga kirita olmadi. Dastlab Isabel chorak finalda niderlandiyalik Deborah Gravenstijnga yutqazgan boʻlsa, keyingi bahsda braziliyalik Ketleyn Quadrosga imkoniyatni boy bergan.
Pekindagi oʻyinlar yakunlanganidan soʻng, sportchi sport faoliyatini davom ettirishini va 2012-yilda Londonda boʻlib oʻtadigan Olimpiya oʻyinlariga borishga harakat qilishini maʼlum qilgan.
Manbalar
tahrir- ↑ 1,0 1,1 „Isabel Fernández“ (https://judoinside.com).
- ↑ 2,0 2,1 "2000 Summer Olympics – Sydney, Australia – Judo" (Wayback Machine saytida 26 August 2008 sanasida arxivlangan) (Retrieved on 28 February 2008)
- ↑ "databaseolympics.com"(Retrieved on 5 August 2016)