München

Myunxen — Germaniyadagi shahar, Alp togʻlari etagida, Izar daryosi boʻyida. Bavariya yerining maʼmuriy markazi. Aholisi 1,2 mln. kishi (1999). Transport yoʻllarining yirik tuguni. Aeroporti xalqaro ahamiyatga ega. Mamlakatning muhim sanoat, savdomoliya, ilmiy va madaniy markazlaridan. Elektrotexnika, radioelektronika, optika-mexanika, umumiy va transport mashinasozligi (jumladan, avtomobilsozlik, lokomotivsozlik va samo-lyotsozlik), harbiy, kimyo, trikotaj, poligrafiya, oziq-ovqat sanoati korxonalari mavjud. Metropoliten kurilgan. Maksimilian nomidagi universitet, FA, Nafis sanʼat akademiyasi, Bavariya milliy muzeyi, etnografiya muzeyi, kartinalar galereyasi, gliptoteka (haykaltaroshlik sanʼati muzeyi) va boshqa bor. M. oʻrnida 8-asrda qishloq boʻlgan. 1158-yildan shahar huquqini olgan. 13-asrdan 1871-yilgacha Bavariya poytaxti. Olmoniya imperiyasi tuzilgach (1871), shahar Bavariya bilan birgalikda uning tarkibiga kirgan. Meʼmoriy yodgorliklardan 13—19-asrlarda qurilgan binolar saqlangan. M. da muntazam ravishda xalqaro yarmarkalar oʻtkazilib turiladi. 1972-yilda M.da 20-Olimpiya oʻyinlari boʻlib oʻtgan.

München
shahar
Bayroq Gerb
48°8′0″N 11°34′0″E
Mamlakat	Olmoniya
Yer	Bavariya
Hukumat
• Oberburgomistr	Dieter Reiter
Asos solingan	1158
Maydon	31,043 km2 (11,986 mi²)
Markazi balandligi	519 m
Aholisi  (2011)	1 410 259
Zichligi	4397 kishi/km2
Vaqt mintaqasi	UTC+1, yozda UTC+2
Telefon kodi	089
Pochta indeks(lar)i	80331-81929
Avtomobil kodi	M
Rasmiy kodi	09 1 62 000
München München

München Olmoniyaning Bavariya yerida joylashgan shahardir. Maydoni – 310,43 km². Aholisi – 1 410 259 kishi (2011).