Jaloliddin imodiy

Jaloliddin telegramidiy (? - ?)— tilshunos olim. "Tarjamat ul-l-alfoz il-latiy varadat bil-xorazmiyya fi asnoi-l-kitobi-l-mavsum bi-"Qunyatil-munya" ("Tilakka erishish" kitobiga kirgan xorazmiycha soʻzlarning tarjimasi") kitobining muallifi. Asarda qad. xorazmiy tiliga oid soʻz va iboralarning forscha yoki arabcha izohi berilgan. Xorazmiy yozuvida bitilgan boshqa asar va hujjatlar nihoyatda kam boʻlganligi uchun bu asarning ilmiy ahamiyati katta. J. I. asarni ustozi Raziyuddin Qisoriyning taklifi bilan yozganligini aytadi. Asar 1382-yil kotib Ibrohim bin Sulaymon Qalasoniy tomonidan koʻchirilgan. Qoʻlyozma Oʻzbekiston FA Sharqshunoslik institutida saqlanadi (inv. № 3246).