Janne Petteri Ahonen — (1977-yil 11-mayda tugʻilgan)[1] Finlandiyaning sobiq changʻi sakrash yoʻnalishidagi sportchisi va drag-poygachisi hisoblanadi. Janne 1992-yildan 2018-yilgacha changʻida sakrash boʻyicha musobaqalarda qatnashgan va sportning barcha davrlardagi eng muvaffaqiyatli sportchilaridan biri, shuningdek Finlandiyadagi eng muvaffaqiyatli sportchilardan biri hisoblanadi. Ahonen ketma-ket ikkita Jahon kubogi, Toʻrt tepalik turnirida besh marta rekord, Jahon chempionatlarida ikkita yakkalik bahslarida oltin medal va bir marta Shimoliy turnirida gʻolib boʻlgan. Kuningaskotka („Qirol burgut“) laqabli Ahonen qishki Olimpiya oʻyinlarida hech qachon yakkalik medallar qoʻlga kiritmagan eng buyuk changʻichi sifatida taʼriflangan[2].

Janne Ahonen
Shaxsiy maʼlumotlari
Fuqaroligi  Finlandiya
Tavallud sanasi 11-may 1977-yil (1977-05-11) (46 yosh)
Lahti, Finlandiya
Sport
Qaysi sport (Changʻida sakrash)
Klubi Lahden Hiihtoseura

Faoliyati tahrir

Ahonenning eng koʻzga koʻringan yutuqlari orasida beshta Jahon chempionati (1997-yilda oddiy tepalik; 2005-yilda katta tepalik; 1995-yil, 1997-yil va 2003-yillarda jamoaviy katta tepalik), ikkita Jahon kubogi (2003—2004-yil va 2004—2005-yil) va rekord darajadagi beshta chempionlik unvonlari ham bor. Toʻrt tepalik turniridagi gʻalabalar (1998—1999-yil, 2002—2003-yil, 2004—2005-yil, 2005—2006-yil va 2007—2008-yillar). U Jahon kubogi ochkolari, podiumlar (133) va eng yaxshi 10 ta urinishlari (245 m) boʻyicha barcha davrlarning yetakchisi hisoblangan. Jahon kubogida 36 ta gʻalaba qozongan Ahonen Gregor Shlierenzauer, Matti Nykänen va Adam Malishdan keyin toʻrtinchi oʻrinda turadi. 2005-yilda Ahonen Finlandiyada yilning eng yaxshi sport shaxsi deb topilgan.

2013-yil 10-yanvarda matbuatga bergan interyusida Ahonen 2014-yil Sochida boʻlib oʻtgan Qishki Olimpiada oʻyinlarida yakkalik bahslarida medal qoʻlga kiritish maqsadida ikkinchi marta istefoga chiqishini eʼlon qilgan[3]. Aynan Rossiyadagi musobaqada oddiy tepalikda 29-oʻrinni, katta tepalikda esa 22-oʻrinni egallagan. Ahonen Janubiy Koreyaning Pxyonchxan shahrida boʻlib oʻtgan 2018-yilgi qishki Olimpiada oʻyinlarida Finlandiyaning changʻidan sakrash boʻyicha jamoasi aʼzosi boʻlib, u yerda shaxsiy musobaqalarda 27 va 40-oʻrinlarni egallagan va jamoaviy musobaqada Finlandiya jamoasi tarkibida sakkizinchi oʻrinni egallagan[2].

2018-yil oktyabr oyida Ahonen uchinchi marta musobaqada sakrashdan nafaqaga chiqqanini eʼlon qilgan va „Men changʻida sakrashni hech qachon tashlamayman. Hohlaganimda sakrashni davom ettiraman, lekin boshqa hech qanday musobaqada qatnashmasligimni tasdiqlayman“ deb izoh bergan[2].

Olimpiya oʻyinlari tahrir

Turnir jadvali tahrir

Tadbir Oddiy tepalik Katta tepalik Jamoaviy
 1994-yil Lillexammer 37 25 5
  1998-yil Nagano 4 37 5
  2002-yil Solt-Leyk Siti 4 9 Kumush
  2006-yil Turin 6 9 Kumush
  2010-yil Vankuver 4 31 4
 2014-yil Sochi 29 22 8
  2018-yil Pxyonchxan 40 28 8

Manbalar tahrir

  1. „Janne AHONEN“.
  2. 2,0 2,1 2,2 Zaccardi. „Janne Ahonen, ski jumping great, retires for third time“. NBCSports.com (27-oktabr 2018-yil). Qaraldi: 28-oktabr 2018-yil.
  3. „Janne Ahonen, Finland’s comeback kid renews Olympic quest“. olympic.org. 2014-01-12. Retrieved 2015-05-17.