Joe Girard
Joseph Samuel Girardi (1928-yil 1-noyabr – 2019-yil 28-fevral), Joe Girard nomi bilan mashhur amerikalik sotuvchi, ruhlantiruvchi notiq va muallif boʻlgan. Girard 1963-1978-yillarda Chevrolet dilerlik markazida 13 001 dona avtomobil sotgan hamda Ginnesning rekordlar kitobi tomonidan bir yil ichida eng koʻp avtomobil sotgan sotuvchi ekanligi bilan tanilgan (1973-yilda 1425 ta)[1]. Girard keyinchalik muvaffaqiyatli motivatsion notiqqa aylangan va korporativ mijozlar, jumladan, General Motors, Hewlett-Packard va Kmart uchun muntazam taqdimotlar oʻtkazgan. U umrining oxirigacha Michigan shtatidagi Grosse Pointe Shores shahrida yashagan.
| Joe Girard | |
|---|---|
| Tavalludi |
Joseph Samuel Girardi 1928-yil 1-noyabr |
| Vafoti |
2019-yil 28-fevral Detroit, Michigan |
Yoshligi tahrir
Girard Antonino Girardining oʻgʻli edi, „Sitsiliyalik juda kambagʻal odam“[2] va uning ayoli, uy bekasi boʻlgan. Girard bolaligidanoq ishlashni boshlagan. Oʻrta maktabni tugatmay poyabzal tozalovchi boʻlib ishlay boshlagan, keyinchalik Detroit Free Press gazetasida gazetachi, idishlarni yuvuvchi, yetkazib beruvchi, pechka yigʻuvchi va uy qurilishi pudratchisi boʻlib ishlagan.
Faoliyati tahrir
Oʻsha paytdagi 35 yoshli Girard Detroitdagi avtosalonga ishga kirib, shubhali savdo boshqaruvchidan sotuvchi oʻrnida ishga olinishini iltimos qilgan. U birinchi kun 1ta mashina sotgan va ikkinchi oyga kelib shu qadar ishlari yaxshilandiki, boshqa sotuvchilar shikoyat qilishgani sabab u ishdan boʻshatilgan. Uning keyingi ish joyi Michigan shtatining Eastpointe shahridagi Merollis Chevrolet kompaniyasi boʻlgan. U yerda 15 yil davomida ketma-ket savdo rekordlarini oʻrnatgan. Keyinchalik u kitoblar va shaxsiy taqdimotlaridan foydalanib, oʻzining savdo usullarini ulashgan muallif va notiq hisoblangan.
How to Sell Anything to Anybody kitobida tasvirlanganidek, Girard oʻzining savdo karyerasi boshida etnik kelib chiqishi yuzasidan qarama-qarshiliklardan qochish yoki sitsiliyaliklar va italiyaliklarga nisbatan notoʻgʻri qarashlari mumkin boʻlgan mijozlarni yoʻqotmaslik uchun „Girard“ nomini biznes maqsadlarida qoʻllashga qaror qilgan[3].
Girard 1974-yil Whatʼs My Line? va 1973-yil To Tell the Truth shoularida chiqishlar qilgan.
Girard 2019-yil 28-fevralda yiqilishdan keyin tibbiy asoratlar tufayli vafot etgan[4].
Chop etilgan asarlari tahrir
- How To Sell Anything To Anybody (Qanday qilib istalgan narsani istalgan odamga sotish mumkin)
- How To Sell Yourself (Oʻzingizga qanday sotishingiz mumkin)
- How To Close Every Sale (Har bir savdoni qanday tugatish kerak)
- Mastering Your Way To The Top (Choʻqqiga chiqish yoʻlini oʻzlashtirish)
- Joe Girard’s 13 Essential Rules of Selling (Joe Girardning 13 ta asosiy savdo qoidalari)
Mukofot va nominatsiyalari tahrir
Girardning mukofotlari orasida The Golden Plate Award from the American Academy of Achievement mukofoti boʻlgan va u marhum doktor Norman Vincent Peale va marhum Lowell Thomas tomonidan Horatio Alger mukofotlariga nomzod boʻlgan.
2001-yilda Automotive Hall of Fame ga kiritilgan[5].
Manbalar tahrir
- ↑ „Most cars sold by a salesman in a year“. guinnessworldrecords.com. London, England: Guinness World Records (2018). 2018-yil 10-mayda asl nusxadan arxivlangan. Qaraldi: 2018-yil 17-fevral.
- ↑ „The History of Joe Girard“. joegirard.com. Qaraldi: 2014-yil 1-aprel.
- ↑ Girard, Joe. How to Sell Anything to Anybody. New York: Simon & Schuster, 2006 — 169–170 bet. ISBN 978-0-7432-7396-1.
- ↑ Jackie Charniga. „Joe Girard, world's top car salesman, dead at 90“. Automotive News (2019-yil 12-mart). 2022-yil 29-sentyabrda asl nusxadan arxivlangan.
- ↑ „Inductees – Joe Girard (1928– )“. automotivehalloffame.org. 2004-yil 25-mayda asl nusxadan arxivlangan. Qaraldi: 2008-yil 28-sentyabr.