Kaposhvar

Kaposhvar — Vengriyaning janubi-gʻarbiy qismidagi shahar, Kaposh daryosi sohilida. Shomod medyesining maʼmuriy markazi. Transport yoʻllari tuguni. Aholisi 75 ming kishi (1990-yillar oʻrtalari). Toʻqimachilik, mashinasozlik, jumladan, elektrotexnika va priborsozlik sanoati rivojlangan. Sement, parket ishlab chiqariladi. Jun yigirish va tikuvchilik fabrikalari, oziq-ovqat sanoati korxonalari bor.