Keson-siti

Keson-siti — Filippindagi shahar, Luson o.da. Aholisi 2,16 mln. kishi (2000). Iqlimi mussonli tropik iqlim. Yillik oʻrtacha yogʻin 2167 mm. Shahar 1939 y.dan qurila boshlagan. Filippinning birinchi prezidenti Manuel Keson nomiga qoʻyilgan. 1948 y.dan Filippin Respublikasining rasmiy poytaxti deb eʼlon qilingan, hozirgi Katta Manila tarkibida. K.-S—mamlakatning savdo-sanoat va maʼmuriy-madaniy markazi. Toʻqimachilik, poyabzal, tikuvchilik, metallsozlik, oziq-ovqat sanoati korxonalari bor. Plastmassa, qogʻoz ishlab chiqariladi. Davlat unti bor.