Kogon shahar kasb-hunar maktabi

Kogon shahar kasb-hunar maktabi - Buxoro viloyati Kogon sharhida joylashgan professional ta'lim muassasasi.Ushbu ta'lim muassasasi shahardagi yagona professional ta'lam muassasasi hisoblanadi.

Kogon shahar kasb-hunar maktabi
Asos solingan	1967-yil
Sohasi	professional ta'lim
Talabalari	381
Fakultetlar	7
Oʻqituvchilar	39 ta
Manzili	Kogon shahar Xalqlar do'stligi 10-uy

Kasb-hunar maktabida 7 ta kasblar „Avtomobil dvigatellarini tashxislashtirish va taʼmirlash chilangari“, „Avtomobil shassisiga texnik xizmat ko'rsatish va taʼmirlash chilangari“, „Dispetcher xizmati operatori“, „Axborot vositalari mashinalari va kompyuter tarmoqlari operatori“, „Payvandlovchi“, „Elektr stansiyalari uskunalarini ta'mirlash“, „Aloqa operatori“ kasblari boʻyicha oʻquvchilar oʻqitiladi.

Hududi: 3,3 gektar.

Quvvati: 720  o‘rin.

Ta’lim davomiyligi: 2 yillik.

Kasb-hunar maktabiga o'quvchilar 9-sinfdan qabul qilinadi, hamda 2-yil davomida tanlagan yo'nalishlari bo'yicha ilm beriladi.

Muassasa 4 ta o'quv binosidan tashkil topgan.

Tarixi

• 1967-yil ta'lim muassasasi professional texnika bilim yurti sifatida tashkil topgan.
• 2001-yilda Kogon sanoat, transport kasb-hunar kollejiga o’zgartirilgan.
• O‘zbekiston Respublikasi Prezidentining 2019 yil 6 sentyabridagi PF-5812-sonli „Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida“gi farmoniga muvofiq „Kogon shahar kasb-hunar maktabi“ sifatida 2020/2021 oʻquv yilidan boshlab faoliyat yuritib kelmoqda.

Yutuqlar

Faoliyati davomida ta'lim muassasasi bir qator yutuqlarga erishgan. Jumladan:

2018-yil - Mamlakatimizda yoshlarning ijtimoiy-siyosiy faolligi va huquqiy savodxonligini oshirish maqsadida O’rta-maxsus kasb-hunar ta’limi o’quvchilari o’rtasida o’tkazilgan “Siz qonunni bilasizmi” ko’rik-tanlovining Respublika bosqichida faxrli I-o’rin egalladi.

2019-yil - O’zbekiston Respublikasi Qurolli kuchlari tashkil etilgan kun munosabati bilan viloyatda o’tkazilgan “Chaqiruvga qadar boshlang’ich tayyorgarlik fani bo’yicha eng ilg’or ta’lim muassasi tanlovi”da  viloyatda munosib o'rin egallagan.

2023-yil - Oliy ta’lim, fan va innovatsiyalar vazirligi Buxoro viloyat hududiy boshqarmasining tashabbusi bilan tashkil etilgan “Yosh qutqaruvchi” sport musobaqasida viloyatda munosib o'rin egallagan.

2023-yil - Oliy ta’lim, fan va innovatsiyalar vazirligi Buxoro viloyat hududiy boshqarmasining tashabbusi bilan tashkil etilgan “Quvnoq startlar” sport musobaqasida viloyatda munosib o'rin egallagan.