Laparotomiya

Laparotomiya (yun. lapara - qorin va tome — kesish) — qorin bushligʻini ochish va undagi biror aʼzoni operatsiya qilish maqsadida qorin devorini kesish. Shifobaxsh (chin) va diagnostik turlari bor. Shifobaxsh L.da qorin boʻshligʻi tekshiriladi va uning biror aʼzosi operatsiya qilinadi. Diagnostik L. Qorin boʻshligʻi aʼzolaridagi kasallik yoki biror nuqsonni aniqlash (tashhis qoʻyish), shuningdek, operatsiya qilish zarur yoki nozarur ekanligini bilish maqsadida (asosan, xavfli oʻsmalarda) qilinadi.