Leonid Aronzon
Leonid Lvovich Aronzon (1939-yil 24-mart, Leningrad – 1970-yil 13-oktyabr, Gʻazalkent) – rus shoiri.
| Leonid Aronzon | |
|---|---|
| Tavalludi |
24-mart 1939-yil |
| Vafoti |
13-oktyabr 1970-yil Gʻazalkent, Toshkent viloyati, OʻzSSR, SSSR |
| Ijod qilgan tillari | Rus tili |
| Fuqaroligi |
 SSSR |
| Faoliyat yillari | 1955–1970 |
Biografiya
tahrirLeonid Lvovich 1939-yil 24-martda Leningradda Mogilyovdan kelgan muhojirlar, qurilish muhandisi Lev Moiseyevich Aronzon (?–1975) va shifokor Hana Xaimovna (Anna Efimovna) Aronzon (qizlik familiyasi Geller, 1902–1989), oilasida tavallud topgan[1]. Otasi Lev Aronzon Mogilyovda maktabni tugatgandan soʻng, Leningrad qurilish institutini hamda koʻpriklar va tunnellarni loyihalash boʻyicha ixtisoslashgan Moskva oliy texnil institutini tamomlagan. Onasi, Mogilyov savdogari Xaim Neuxovich Gellerning qizi va ravvinlarning nabirasi boʻlgan[2]. Hana I. I. Mechnikov nomidagi Leningrad davlat tibbiyot bilimlari institutini tamomlagan[3]. Ota-onasi 1926-yilda Leningradda turmush qurishgan. Oilasi 2-Sovet koʻchasida, 27-uyda yashagan[4].
1941-yil iyul oyining oxirida Lev Moisyevich va oʻgʻllari Leonid va Vitaliy Butunittifoq dizayn alyuminiy-magniy instituti „Giproaluminiy“ bilan birga Lyonvaga evakuatsiya qilingan[5][6]. Onasi, oʻsha paytga qadar harbiy shifokor, tibbiy xizmat mayori boʻlgan[7] va qamalda boʻlgan Leningradda qolgan. Hana Xaimovna Leningrad va Volxov frontlaridagi dala gospitallarida xizmat qilgan, keyinchalik Lenva va Dedyuxin evakuatsiya kasalxonalarida boshliq boʻlib ishlagan[8]. 1944-yil Leningradda Qizil Yulduz ordeni bilan taqdirlangan (1945)[9]. 1944-yil avgust oyining oxirida Leonid va uning ukasi Leningradga onasining yoniga qaytib kelishgan.
Leonid Lvovich 1957-yilda 167-sonli oʻrta maktabni va 1963-yilda Leningrad pedagogika institutini tamomlagan (avval Biologiya va tuproq fakultetida oʻqigan, keyin filologiya fakultetida va 1959-yilda institutning sirtqi boʻlimida tahsil olgan). Leonid oʻqish paytida boʻlajak rafiqasi Rita Moiseyevna Purishinskaya (1935–1983) bilan tanishgan va u bilan 1958-yil 26-noyabrda turmush qurgan. 1960-yilda oyogʻida ostit kasalligi boʻlganligi tufayli yetti oy kasalxonada yotgan, shundan soʻng nogiron boʻlib qolgan. U kechki maktabda dars bergan va pul topish uchun ilmiy-ommabop filmlar uchun ssenariylar yozgan. Aronzon 1960-yillarning boshlarida Iosif Brodskiy bilan muloqot qilgan (1960-yilda unga geologiya-qidiruv ekspeditsiyasida ishga kirishda yordam bergan), 1965-yilda Vladimir Erl va Malaya Sadovayaning boshqa shoirlari bilan tanishgan hamda Mixnov-Voytenko va A. Altshuler bilan doʻstlashgan. 1960–1970-yillarda kuchli depressiyadan aziyat chekkan.
Rasmiy maʼlumotlarga koʻra, Leonid Lvovich Oʻrta Osiyoga safari chogʻida ov miltigʻi bilan oʻzini otgan. Biroq, patologik tekshiruv natijalariga koʻra, bu baxtsiz hodisa boʻlganligini koʻrsatadi. U Gʻazalkentdagi shifoxonada vafot etgan.
Manbalar
tahrir- ↑ „Пробудим воспоминания (из книги «Без гнева и пристрастий). Виталий Аронзон. Заметки по еврейской истории, №7“. litbook.ru. Qaraldi: 2023-yil 20-noyabr.
- ↑ Odin ded materi, Neux Geller, bil ravvinom v Mogilyove, drugoy – Mixl Rabkin – v Starobixove. Yeyo otes, kupes 2-y gildii Xaim Neuxovich Geller, bil zanyat v optovoy torgovle riboy.
- ↑ „Виталий Аронзон: Пробудим воспоминания (из книги «Без гнева и пристрастий»)“. 2019-yil 30-oktyabrda asl nusxadan arxivlangan. Qaraldi: 2019-yil 24-noyabr.
- ↑ „Аронзон Леонид. Собрание произведений (в 2-х томах)“. 2021-yil 17-yanvarda asl nusxadan arxivlangan. Qaraldi: 2019-yil 24-noyabr.
- ↑ „Лев Моисеевич Аронзон в эвакуационных списках (1942)“. 2021-yil 16-yanvarda asl nusxadan arxivlangan. Qaraldi: 2019-yil 24-noyabr.
- ↑ „Леонид Аронзон в эвакуационных списках (музей Яд Вашем, Иерусалим)“. 2021-yil 16-yanvarda asl nusxadan arxivlangan. Qaraldi: 2019-yil 24-noyabr.
- ↑ „А. Е. Аронзон на сайте «Подвиг народа»“. 2010-yil 14-aprelda asl nusxadan arxivlangan. Qaraldi: 2019-yil 24-noyabr.
- ↑ „Наградной лист“. 2010-yil 14-aprelda asl nusxadan arxivlangan. Qaraldi: 2019-yil 24-noyabr.
- ↑ „Предоставление к ордену Красной Звезды“. 2010-yil 14-aprelda asl nusxadan arxivlangan. Qaraldi: 2019-yil 24-noyabr.