Luiza Zokirova
Luiza Karimovna Zakirova – (1938-yil 7-yanvarda tugʻilgan) oʻzbek estrada xonandasi[1]. Oʻzbekiston SSRda xizmat koʻrsatgan artist (1965)[2]. Zokirovlar oilasining vakillaridan biri.
Luiza Zakirova | |
|---|---|
| Tavalludi | 7-yanvar 1938-yil |
| Kasbi | qoʻshiqchi |
| Turmush oʻrtogʻi | Poʻlat Morduxayev |
| Ota-onasi | Karim Zakirov |
| Bolalari | Nargiz Zokirova |
| Mukofotlari | Oʻzbekiston SSRda xizmat koʻrsatgan artist |
Biografiyasi
tahrirOpera xonandasi Karim Zokirovning qizi, estrada xonandasi "Yalla" vokal-cholgʻu guruhi rahbari Farrux Zokirovning singlisi. 1954-yilda maktab oʻquvchisi sifatida Luiza Zokirova Hindistonning birinchi bosh vaziri Javoharlal Neruning qizi Indira Gandi bilan Sovet Ittifoqiga tashrifiga bagʻishlangan hukumat konsertida „Bayju Bavra“ filmidan „Tu Ganga Ki Mauj“ hind qoʻshigʻini ijro etib, sahnada debyut qilgan. Keyinchalik Luiza Zakirova ukasi Botir Zokirov bilan birga chiqish qila boshlab, ukasi tomonidan tashkil etilgan „Yoshlik“ yoshlar ansambli va Oʻzbekiston SSR Davlat estrada orkestrida solist boʻlib faoliyat yurita boshlagan[3]. 1957-yilda Butunjahon yoshlar va talabalar festivalida luiza Zokirova „Namangan olmalari“ qoʻshigʻini ijro etib koʻpchilikning eʼtiboriga tushgan[4]. 1968-yilda xonanda „Oʻgʻrilik“ film-konsertini suratga olishda ishtirok etgan (filmda Botir va Luiza Zokirovalar „Baxt haqida qoʻshiq“ni ijro etishgan). Xonandalikdan tashqari Luiza Zokirova „Tashkent Music-Hall“ning asoschilaridan biri va boshlovchisi boʻlgan. 1970-yillarning oxirida, Music-Hall tarqatib yuborilgandan soʻng, u „Navroʻz“ ansamblining solisti boʻlib faoliyat yuritgan[5]. 1984-yilda Luiza Zokirova sahnani tark etganini eʼlon qilgan.
1995-yilda Luiza Zokirova Amerika Qoʻsha Shtatlariga joʻnab ketgan va hozirda Nyu-Yorkda istiqomat qiladi[6].
Oilasi
tahrirXonandaning turmush oʻrtogʻi – cholgʻuchi,Botir Zokirov ansamblida sozanda boʻlgan Poʻlat Morduxoʻjayev, qizi – Rossiyaning Birinchi kanalidagi Golos tanlovida Scorpions guruhining Still Loving You ashulasini kuylab, matbuot diqqatiga tushgan Nargiz Zokirova[7].
Manbalar
tahrir- ↑ „Luiza Zakirova“.
- ↑ „Ўзбекистон миллий энциклопедияси. 4-жилд. Зебуннисо-Конигил. — Тошкент: Ўзбекистон миллий энциклопедяси, 2002“. 2023-yil 30-avgustda asl nusxadan arxivlangan. Qaraldi: 2023-yil 30-avgust.
- ↑ „Milliy xarakter, ijrochilik mahorati // V. Savranskiy, Sovet sirki, 1964-yil oktyabr“. 2023-yil 30-avgustda asl nusxadan arxivlangan. Qaraldi: 2023-yil 30-avgust.
- ↑ „Страницы истории музыкальной эстрады Узбекистана. «Юность» на фестивале в Москве // А. Попов, Новости Узбекистана“. 2023-yil 30-avgustda asl nusxadan arxivlangan. Qaraldi: 2023-yil 30-avgust.
- ↑ „Надеинский Е. Музыкальная семья // Муз. жизнь, 1982, 118, c. 8“. 2023-yil 30-avgustda asl nusxadan arxivlangan. Qaraldi: 2023-yil 30-avgust.
- ↑ „Sovet plastinkalari katalogi:Luiza Zakirova“. 2023-yil 29-avgustda asl nusxadan arxivlangan. Qaraldi: 2024-yil 26-aprel.
- ↑ „Luiza Zokirova: «Nargiz o‘zining o‘zbekligi bilan faxrlanadi. Sulolasining an‘analarini davom ettirishni istaydi» // BBC Uzbek“. 2023-yil 30-avgustda asl nusxadan arxivlangan. Qaraldi: 2023-yil 30-avgust.