Bosh menuni ochish

Maʼrifjon Moʻminov (22.08.1952—03.12.2014) — Qirgʻizistonda joylashgan Isfana shahrining uchinchi meri. Moʻminov koʻp yillar davomida Isfanadagi kolxozning raisi boʻlib ishlagan. Faoliyati davomida Isfana shahrining va Laylak tumanining iqtisodiy rivojlanishiga salmoqli hissa qoʻshgan.

Maʼrifjon Moʻminovich Moʻminov
Tugʻilishi 22-avgust 1952-yil(1952-08-22)
Vafoti 3-dekabr 2014-yil(2014-12-03)
(62 yoshda)
Isfana, Qirgʻiziston

HayotiTahrirlash

Maʼrifjon Moʻminovich Moʻminov 1952-yil 22-avgustda Qirgʻiziston SSRning oʻsha paytdagi Isfana qishlogʻida tugʻilgan. 1968-yil Isfanadagi Toʻqtogʻul nomli oʻrta maktabni yakunlagan. 1974-yil Skryabin nomidagi qishloq xoʻjaligi institutini (hozirgi Skryabin nomidagi qirgʻiz milliy agrar universiteti) injener-mexanik mutaxassisligini olib tugatgan. Moʻminov 2014-yil 3-dekabrda 62 yoshda vafot etgan. U toʻrt farzandning otasi boʻlgan.

Mehnat faoliyatiTahrirlash

 
Laylak tumanining Dargʻaz qishlogʻida Moʻminov qurdirgan bino. Hozirgi kunda bu binodan Gapar Usenov boshlangʻich makbati joylashgan.

Moʻminov mehnat faoliyatini 1974-yilda Isfanadagi Samat kolxozida mexaniklikdan boshlagan. 1980-82-yillarda Laylak tumanining qishloq xoʻjaligi boshqarmasida bosh muhandis boʻlib ishlagan. 1982-86-yillarda Laylak tumanining Mexanizatsiyalashtirilgan chorvachilik stansiyasida direktor boʻlib faoliyat yuritgan. 1986-87-yillarda Komintern sovxozining direktori lavozimida ishlagan.

Moʻminov 1987-yildan 1996-yilgacha Isfanadagi Samat kolxoziga raislik qilgan. 1996-99-yillarda Isfana qishloq xoʻjaligi kooperativiga boshchilik qilgan. 1999-yildan 2001-yilgacha Isfana shahar boshqarmasi boshchisining oʻrin bosari sifatida faoliyat koʻrsatgan. 2001-yildan 2004-yilgacha Laylak tumanining qishloq xoʻjaligi boʻlimining bosh direktori boʻlib ishlagan.

2004-2005-yillarda Botken viloyati gubernatorining maslahatchisi boʻlib ishlagan. 2005-yil 20-dekabrdan 2009-yil 9-sentabrgacha Isfana shahrining meri lavozimida ishlagan. 2010-yildan boshlab Laylak tuman agrar rivojlanish boʻlimida ishlagan.

Moʻminov faoliyati davomida Isfana shahrining va Laylak tumanining iqtisodiy rivojlanishiga salmoqli hissa qoʻshgan.[1]

MukofotlariTahrirlash

Moʻminov hayoti davomida bir necha mukofot olgan.[2] 1991-yil Qirgʻiziston prezidentining faxriy yorligʻi bilan taqdirlangan. 1998-yil Qirgʻiz Respublikasining „Shuhrat“ medali bilan taqdirlangan.[3] Bundan tashqari, „Xalq taʼlimi aʼlochisi“ unvoni hamda Qishloq xoʻjaligi ministrligining faxriy yorliqlari bilan taqdirlangan.

ManbalarTahrirlash

  1. "Moʻminov Maʼrifjon Moʻminovich" (qirgʻizcha). Ata Jurt (22 (8418)): 7-bet. 13-dekabr, 2014. 
  2. "Xalq yodida qoladi" (qirgʻizcha). SuLey Info (107-108): 15-bet. 13-dekabr, 2014. 
  3. Yoqubov, Temirboy (2001). Isfana (Aspanakent) tarixi, 46.