Mahiljou

Mahiljou yoki Mogilev (belaruscha: Магілёў) — Belarusdagi shahar, Mahiljou viloyati markazi. Dnepr daryosi sohillarida joylashgan. Temir yoʻl va avtomobil yoʻllari tuguni. Dnepr daryosidagi pristan. Aeroport bor. Aholisi 371,4 ming kishi (1998).

Mahiljou belaruscha: Магілёў
Bayroq Gerb
53°54′32.18″N 30°20′34.66″E
Mamlakat	Belarus
Viloyat	Mogilyov viloyati
Asos solingan	1267
Ilk eslatilishi	1267
Maydon	1,185 km2 (458 kv mi)
Rasmiy til(lar)i	belarus tili va rus tili
Aholisi  (2023)	353 338
Zichligi	3013,5 kishi/km2
Vaqt mintaqasi	UTC+3
Telefon kodi	+375 222
Pochta indeks(lar)i	212001—212040
Mahiljou

Mahiljou viloyat sanoat mahsulotining yarmini beradi. Muhim tarmoqlari: metallsozlik va mashinasozlik (avtomobil, qurlish materiallari sanoati uchun asbob-uskunalar ishlab chiqariladigan "Strommashina", "Elektrodvigatel", metall konstruksiyalar, lift zavodlari), kimyo ("Lavsan" sintetik tola, kimyo kombinatlari, sunʼiy tola zavodi), oziq-ovqat (goʻsht kombinatlari, konditer fabrikasi, non, konserva, yogʻ-pishloq zavodlari), yengil sanoatlari (tikuvchilik, trikotaj, lenta toʻqish, poyabzal fabrikalari) rivojlangan. Qurilish materiallari (silikat buyumlar, temir beton buyumlar, qurilish materiallari, kombinatlari) ishlab chiqariladi. Yogʻochsozlik korxonalari, 2 TETS ishlab turibdi.

Mahiljouda 2 oliy oʻquv yurti, oʻrta maxsus oʻquv yurtlari, 2 teatr, oʻlkashunoslik, etnografiya va boshqa muzeylari bor. Shahar 1267-yildan maʼlum, 1569-yildan Polsha, 1772-yildan Rossiya tarkibida. Nikolay cherkovi (17-asr) saqlangan.