Makvis

Makvis, makkiya (frans. maquis, koreyka tilida macchia) — qattiq bargli, tikanli doim yashil buta va daraxtlardan iborat chakalakzorlar. M., koʻpincha, Oʻrta dengiz mamlakatlari togʻlarining oʻrta qismlariga (700 m gacha) xos, oʻtib boʻlmas butazorlar hosil qiladi. M. koʻproq qattiq bargli kesilgan oʻrmonlar oʻrnida paydo boʻladi. Oʻt qoplami, asosan, bir yillik oʻtlar. Koʻpchilik oʻsimliklari tarkibida oʻtkir hidli efir moylari bor.