Marcos Álvarez

Markos Alvares (nemischa va ispancha Markos Alvares; 1991-yil 30-sentyabr, Gelnxauzen, Germaniya) — nemis futbolchisi, Krakoviya klubi hujumchisi.

Marcos Alvarez

Shaxsiy maʼlumot
Tavallud sanasi	30-sentyabr 1991-yil (1991-09-30)
Tavallud joyi	Gelnhausen, Germaniya
Boʻyi	1.78 m
Ampluasi	Hujumchi
Klub maʼlumoti
Joriy klub	Cracovia
Raqami	9
Yoshligida aʼzo boʻlgan klublar
1995-2002	FSV 08 Neuberg
2002-2005	TSV Hanau
2005-2007	Kickers Offenbach
2007-2009	Eintracht Frankfurt

Biografiya

1991-yilda Germaniyaning Gelnxauzen shahrida tugʻilgan. Ota tomonida u ispanlarga borib taqaladi, ona tomondan — nemis va italyan. Uning otasi Xulio Alvares (1959-yilda tugʻilgan) ham futbolchi boʻlgan va hozirda futbol murabbiyi. Germaniyaning " Frankfurt " klubida oʻynagan. Futbolchining amakisi Antonio Alvares (1955-yilda tugʻilgan) u ham futbolchi boʻlgan.

Klubdagi faoliyati

1995-yildan boshlab futbol bilan mustqil shugʻullana boshlagan. Bolalar va yoshlar darajasida u Noyberg, Hanau 1860, Kickers (Offenbax) jamoalarida oʻynagan. 2007-yildan beri Frankfurtning " Ayntraxt „ klubida toʻp suradi.U kattalar futbolidagi debyutini 2008-yilda Regionalligada oʻynagan.“Ayntraxt II" zaxira-klubi tarkibida oʻtkazgan. U „Ayntraxt II“ safida ikki yarim mavsum o‘ynagan, 2010/11-yilgi so‘nggi mavsumda esa 12 uchrashuvda 10 ta gol urgan. U 2010-yil 30-yanvar kuni Germaniya Bundesligasining 20-turida " Kyoln " klubiga qarshi o‘yinda 87-daqiqada zaxiradan maydonga tushgan va „Ayntraxt“ning asosiy jamoasidagi yagona o‘yinni o‘tkazgan. 2010/11-yilgi mavsumda Alvares "Bavariya"ning zaxira klubi — „Bavariya II“ ga oʻtgan. Unda uchinchi Bundesligada 11 ta oʻyin oʻtkazgan biroq olti oydan soʻng „Ayntraxt“ga qaytgan. 2011/12-yilgi mavsumda u mintaqaviy ligada faqat „Ayntraxt II“da oʻynagan va asosiy jamoa oʻyinlarida deyarli qatnashmagan.

2012-yilning yozida u Uchinchi Bundesliganing " Shtutgarter Kickers " klubi bilan shartnoma imzolagan, u kulubda ikki mavsum oʻynagan va 32 oʻyin oʻtkazib, 4 ta gol urgan. 2014-yilda u boshqa liga klubi Osnabryukga oʻtgan va u yerda ham ikki mavsum oʻtkazgan. 2016-yilning yozida futbolchi Osnabryukni tark etgan va olti oyni erkin agent sifatida oʻtkazgan. 2017-yilning qishida u Ikkinchi Bundesliga vakili „Dinamo“ (Drezden) bilan shartnoma imzolagan, biroq jamoa safida atigi 5 ta oʻyin oʻtkazgan va 2017-yilning yozida Alvares Osnabryukka qaytgan. 2018/19-yilgi mavsumda u uchinchi liga gʻolibiga aylangan va jamoa bilan birgalikda Ikkinchi Bundesligaga yoʻl olgan.

Terma jamoadagi faoliyati

Faoliyatining boshida Alvares Germaniya yoshlar terma jamoasida oʻynagan, biroq u faqat oʻrtoqlik oʻyinlarida qatnashgan.

Yutuqlari

"Osnabryuk"

• Uchinchi Bundesliga gʻolibi : 2018/19
• Quyi Saksoniya kubogi sohibi: 2014/15