Markaziy (stadion, Hisor)
Hisor markaziy stadioni (tojikcha: Варзишгоҳи марказии Ҳисор) – Tojikistonning poytaxti Dushanbedan 12 km gʻarbda joylashgan, Hisor shahridagi koʻp funksiyali stadion. Stadion 2014—2015-yillarda qurilgan va 2015-yil oktyabr oyida ochilgan. Tojikistondagi eng yirik stadionlardan biri boʻlib, 20 ming tomoshabinni sigʻdira oladi. Ushbu stadionda „Barkchi“ futbol klubi oʻz uy uchrashuvlarini oʻtkazadi. Arenada Tojikiston terma jamoasi ham ayrim oʻyinlarni oʻtkazadi. Mamlakat oʻsmirlar va yoshlar terma jamoalari, shuningdek, oʻz stadionlarida turli sabablarga koʻra Oliy liga oʻyinlarini oʻtkazishga ruxsat berilmagan Tojikiston chempionati Oliy ligasining ayrim klublari uy maydoni sifatida foydalanadi.
| Toʻliq nomi | tojikcha: Варзишгоҳи марказии Ҳисор |
|---|---|
| Joyi | Hisor, Tojikiston |
| Qachon qurilgan | 2014—2015-yillarda |
| Qachon ochilgan | 2015-yil 27-oktyabr |
| Egasi | Tojikiston hukumati |
| Operator | Tojikiston futbol federatsiyasi |
| Hajmi | 20 000 |
| Maydon oʻlchami | 110×75 m |
| Maydon egalari | |
|
Barkchi Tojikiston | |
Stadion 2015-yil 27-oktyabrda Hisor shahrining 3000 yilligiga bagʻishlangan marosimda ochilgan. Ochilish marosimida Tojikiston prezidenti Imomali Rahmon ishtirok etgan. Stadion qurilishiga sal koʻproq 42 million somoniy sarflangan[1].
2017-yilning iyul oyida stadionda ilk bor xalqaro turnir, 15 yoshgacha boʻlgan yoshlar jamoalari oʻrtasidagi CAFA Cup oʻyinlari boʻlib oʻtgan[2].
2017-yilning 4-noyabr kuni „Hisor“ stadionida 2017-yilgi OFK kubogi final uchrashuvi boʻlib oʻtgan. Final oʻyinida Dushanbening „Istiqlol“ va Iroqning „Al-Quva“ („Havo kuchlari“) jamoalari toʻqnash kelishgan. Uchrashuv 0:1 hisobida Iroq klubi gʻalaba qozongan va 2017-yilgi OFK kubogi chempioni boʻlgan.
Manbalar
tahrir- ↑ „«ASIA-Plus»: Президент открыл крупный стадион в Гиссаре“ (deadlink). 2017-yil 10-noyabrda asl nusxadan arxivlangan. Qaraldi: 2017-yil 5-noyabr.
- ↑ Avesta.tj: Tsentralniy stadion Gissara primet perviy mejdunarodniy futbolniy turnir